అంతర్జాతీయ సైన్స్ దినోత్సవం

ఎడ్యుకేషన్ స్టాఫ్ రిపోర్టర్ : పద్మావతి మహిళా డిగ్రీ అండ్ పీజీ కళాశాలలోని జీవ రసాయన శాస్త్ర విభాగం ఆధ్వర్యంలో అంతర్జాతీయ సైన్స్ దినోత్సవాన్ని మంగళవారం ఘనంగా నిర్వహించారు. ఈ కార్యక్రమానికి ముఖ్యఅతిథిగా పాల్గొన్న కళాశాల ప్రిన్సిపల్ డాక్టర్ ఎన్.భీమన్న మాట్లాడుతూ సైన్స్ ఎంత పురోగమిస్తే అంతే వేగంగా మానవాభివృద్ధిజరిగి ఫలితంగా దేశాభివృద్ధికి మార్గం సుగమం అవుతుందన్నారు. సైన్స్ పాత్రను గుర్తించడంతో పాటు దాని వల్ల కలిగే దుష్ప్రభావాలపైనా ప్రజల్లో అవగాహన కల్పించే లక్ష్యంతో ఏటా నవంబరు 10న అంతర్జాతీయ సైన్స్ దినోత్సవాన్ని నిర్వహిస్తున్నామని తెలిపారు. ఈ సందర్భంగా విద్యార్థినిలు జీవ రసాయన శాస్త్ర  విద్యార్థినిలు వాళ్లు తయారుచేసిన మోడల్స్, చార్టులను ప్రదర్శించారు. వైస్ ప్రిన్సిపల్ కే. సాయి కుమారి, జీవ రసాయన శాస్త్ర విభాగాధిపతి డాక్టర్ వై శిరీష, డా.టీ కే పద్మజ, డాక్టర్ ఎస్ వరలక్ష్మి, డా వై సునీత, డాక్టర్ సి దివ్యవాణి, డాక్టర్ పి పద్మావతి, డాక్టర్ పి యామిని, జి సుధాకర్, అధ్యాపకులు విద్యార్థినిలు పాల్గొన్నారు.

సీఎం గౌడ్ తిరుపతి స్టాఫ్ రిపోర్టర్