వైసీపీ అభ్యర్థుల గెలుపుతోనే నగరాభివృద్ధి

వైసిపి అభ్యర్థుల గెలుపుతోనే నగరాభివృద్ధి 
-రెండవ డివిజన్ ఎన్నికల ప్రచారంలో వైసీపీ జిల్లా అధ్యక్షుడు అనంత వెంకట రామిరెడ్డి 
-   వైసీపీ అభ్యర్థి సిరిసాల కుళ్లాయమ్మకు ప్రజల నుంచి విశేష ఆదరణ 
అనంతపురం రూరల్ మేజర్ న్యూస్ :  అనంత నగర పాలక సంస్థ ఎన్నికలలో వైసిపి మేయర్ అభ్యర్థి సి రమేష్ గౌడ్, కార్పొరేటర్ల అభ్యర్థుల గెలుపుతోనే నగరాభివృద్ధి సాధ్యమని మాజీ ఎమ్మెల్యే, వైసీపీ జిల్లా అధ్యక్షుడు అనంత వెంకటరామిరెడ్డి పేర్కొన్నారు. ఆదివారం రెండవ డివిజన్ లో వైసీపీ అభ్యర్థి సిరిసాల కుళ్లాయమ్మ  ఎన్నికల ప్రచారంలో ఆయన పార్టీ నాయకులు, కార్యకర్తలతో కలసి పాల్గొన్నారు. ఈ సందర్భంగా డివిజన్ లో మాజీ ఎమ్మెల్యే అనంత వెంకటరామిరెడ్డి, కార్పొరేటర్ అభ్యర్థి సిరిసాల కుల్లాయమ్మలు ఇంటింటికి తిరుగుతూ... కరపత్రాలు పంపిణీ చేస్తూ.. డివిజన్ అభివృద్ధి, సమస్యలు పరిష్కారం కావాలంటే.  ఎన్నికల్లో  ఫ్యాన్ గుర్తుకు ఓటు వేయాలని ప్రజలను వారు అభ్యర్థించారు.  డివిజన్ లో.. ప్రజల నుంచి కూడా... వైసిపి ఎన్నికల ప్రచారానికి విశేష స్పందన లభించింది. ప్రధానంగా
గత  ఐదేళ్ల వైసిపి పాలనలో అప్పటి సీఎం వైయస్ జగన్మోహన్ రెడ్డి ఎన్నికల్లో ఇచ్చిన ప్రతి హామీని .. నిలబెట్టుకున్నారని, ప్రజల వద్దకే పాలన అందించారని,అభివృద్ధి, సంక్షేమ అమలుకు ఎంతో ప్రాధాన్యత ఇచ్చారని ప్రజలకు వివరించారు.  ముఖ్యంగా తల్లికి వందనం,  45 సంవత్సరాలు నిండిన ప్రతి మహిళకు చేయూత కింద సంవత్సరానికి రూ.18,500, తోపుడు బండ్ల వ్యాపారులు, ఆటో డ్రైవర్లకు, చేనేత కార్మికులకు ప్రతి సంవత్సరం ఆర్థిక సాయం అందించి అండగా ప్రజలకు వారు వివరించారు. కానీ వైసిపి కంటే మెరుగైన అందిస్తామని సూపర్ సిక్స్ హామీలతో 2024 అధికారంలోకి వచ్చిన కూటమి పార్టీలు... రెండున్నర సంవత్సరాలైనా హామీలను అమలు చేయలేదన్నారు. ప్రధానంగా 18 సంవత్సరాలు నిండిన ప్రతి  మహిళలకు నెలకు రూ. 1500 ఇస్తామని హామీ  ఇచ్చి ఇప్పటివరకు ఏ ఒక్కరికైనా  అందించారా..  మహిళలను  కూటమి ప్రభుత్వం దగా చేసిందని వివరించారు.  గత వైసిపి పాలనలో..   ప్రస్తుత కూటమి ప్రభుత్వ పాలన  ఏ విధంగా ఉందో..  పథకాలు.. ఏ విధంగా అమలు అయ్యాయో.. ప్రజలు పథకాలు ద్వారా ఎలా లబ్ది పొందారో .. ఆలోచన చేసి ఓటు వేయాలని మాజీ ఎమ్మెల్యే అనంత వెంకటరామిరెడ్డి, అభ్యర్థి సిరి శాల కుల్లాయమ్మ  విజ్ఞప్తి చేశారు. కార్యక్రమంలో వైసిపి, సిపిఐ నాయకులు కార్యకర్తలు పాల్గొన్నారు.