ఉచిత కంటి వైద్య శిబిరం

బిజెపి ఆధ్వర్యంలో…

ఉచితకంటి వైద్య శిబిరం…

మండపేట మేజర్ న్యూస్: వికసిత్‌ భారత్‌–2047, సేవా సంకల్ప అభియాన్‌లో భాగంగా ప్రధానమంత్రి నరేంద్ర మోదీ జన్మదినాన్ని పురస్కరించుకుని సెప్టెంబర్‌ 17 నుంచి అక్టోబర్‌ 17 వరకు నిర్వహిస్తున్న కార్యక్రమాల్లో భాగంగా మండపేటలో ఉచిత కంటి వైద్య శిబిరాన్ని నిర్వహించారు.

బీజేపీ నాయకుడు కోన సత్యనారాయణ ఆధ్వర్యంలో ది మండపేట మోటారు మెకానికల్‌ వర్కర్స్‌ అసోసియేషన్‌ హాల్‌లో అసోసియేషన్‌ అధ్యక్షుడు ఈదిపల్లి సాంబశివరావు అధ్యక్షతన ఈ శిబిరం నిర్వహించారు. రాజమహేంద్రవరం లోని గౌతమి నేత్రాలయానికి చెందిన ఆప్టోమెట్రిస్ట్‌ సహీరా భాను సుమారు 160 మందికి కంటి వైద్య పరీక్షలు నిర్వహించారు. పరీక్షల్లో కంటి శుక్లం శస్త్రచికిత్స అవసరమైన 15 మందిని గుర్తించి, వారికి ఉచితంగా ఆపరేషన్లు నిర్వహించేందుకు గౌతమి నేత్రాలయ వాహనంలో ఆసుపత్రికి తరలించారు. కార్యక్రమాన్ని ప్రోగ్రాం మేనేజర్‌ అరుణ్‌కుమార్‌ పర్యవేక్షించారు. ఈ కార్యక్రమంలో అసోసియేషన్‌ వైస్‌ ప్రెసిడెంట్‌ శలాకోటేశ్వరరావు, సెక్రటరీ మేడిశెట్టి వీరబాబు, జాయింట్‌ సెక్రటరీ మగ్గం రాంబాబు, గౌరవ అధ్యక్షుడు నాగులపల్లి ఈశ్వరరావు, బీజేపీ నాయకులు కోటిపల్లి సాయిరాం, మద్దుల సుబ్బారావు తదితరులు పాల్గొన్నారు.