andhrapradesh
ప్రజా సమస్యలపై మంత్రి పయ్యావుల కేశవ్ ప్రత్యేక దృష్టి
అనంతపురం బ్యూరో
ప్రజా సమస్యలపై మంత్రి పయ్యావుల కేశవ్ ప్రత్యేక దృష్టి
అనంతపురం, సెప్టెంబర్ 28:
ప్రజా సమస్యలను నేరుగా తెలుసుకుని వాటి పరిష్కారానికి చర్యలు తీసుకునే ఉద్దేశంతో రాష్ట్ర ఆర్థిక శాఖ మంత్రి పయ్యావుల కేశవ్ అనంతపురం రాంనగర్లోని తన క్యాంపు కార్యాలయంలో సోమవారం ప్రజాదర్బార్ నిర్వహించారు.
జిల్లాలోని వివిధ ప్రాంతాల నుంచి వచ్చిన ప్రజలు తమ సమస్యలను మంత్రికి వినతుల రూపంలో అందజేశారు. వాటిని పరిశీలించిన మంత్రి సంబంధిత శాఖల అధికారులతో ఫోన్లో మాట్లాడి, సమస్యల పరిష్కారానికి అవసరమైన చర్యలు తీసుకోవాలని ఆదేశించారు.
ప్రజలకు ప్రభుత్వం అందుబాటులో ఉండేలా నిరంతరం కృషి చేస్తామని మంత్రి తెలిపారు. ప్రజాదర్బార్ ద్వారా ప్రజలు తమ సమస్యలను నేరుగా ప్రభుత్వం దృష్టికి తీసుకెళ్లే అవకాశం కలుగుతోందని పేర్కొన్నారు.
