పిహెచ్ సి లో స్పెషలిస్ట్ డాక్టర్ ను నియమించండి....

కొందుర్గు మండల  కేంద్రంలోని ప్రాథమిక ఆరోగ్య కేంద్రంలో స్పెషలిస్ట్ డాక్టర్లను నియమించాలని కోరుతూ టిఆర్పి పార్టీ ఆధ్వర్యంలో ప్రజావాణిలో సోమవారం అధికారులకు వినతి పత్రాన్ని అందజేశారు.  ఈ సందర్భంగా వారు మాట్లాడుతూ కొందుర్గు జిల్లేడు చౌదరిగూడ  రెండు మండలాల్లో లక్ష వరకు జనాభా ఉందని,  వీరందరికీ కొందుర్గ్ లో ఉన్న ఒకే ఒక్క ప్రాథమిక ఆరోగ్య కేంద్రం దిక్కుగా  మారిందని పేర్కొన్నారు. రెండు మండలాలకు సంబంధించిన ప్రాథమిక ఆరోగ్య కేంద్రంలో వైద్య సిబ్బంది కొరత ఉందని వారు ఆందోళన వ్యక్తం చేశారు. అత్యవసర సమయాలలో రోగులను షాద్ నగర్ ప్రభుత్వ ఆసుపత్రికి తరలించడంలో ఇబ్బందులు ఏర్పడుతున్నాయని, దీనివల్ల మార్గమధ్యలోనే ఎంతోమంది ప్రాణాలు కోల్పోతున్నారని వారు విచారం వ్యక్తం చేశారు. అందువల్ల  కొందుర్గు ప్రాథమిక ఆరోగ్య కేంద్రంలో అన్ని రకాల వ్యాధులకు సంబంధించిన స్పెషలిస్ట్ వైద్యులను నియమించాలని వారు వినతి పత్రంలో కోరారు. వినతి పత్రం అందజేసిన వారిలో టి ఆర్ పి మండల అధ్యక్షులు దర్గా వెంకటేష్, యాదయ్య లు ఉన్నారు.

ఈరమొల్ల సత్యనారాయణ, మేజర్ న్యూస్, కొందుర్గ్.