దాడి కేసులో ఇద్దరు నిందితుల అరెస్ట్ – రిమాండ్కు తరలింపు-ఇన్ స్పెక్టర్ సుధాకర్ రెడ్డి
నంద్యాల అర్బన్ :
నంద్యాల పట్టణంలో గత నెల 8వ తేదీన ఆత్మకూర్ బస్టాండ్ సమీపంలోని త్రివేణి బార్లో జరిగిన గొడవకు సంబంధించి ఇద్దరు నిందితులను అరెస్ట్ చేసి రిమాండ్కు తరలించినట్లు వన్ టౌన్ ఇన్స్పెక్టర్ సుధాకర్ రెడ్డి గారు వెల్లడించారు. అరెస్ట్ అయిన వారిని ఇమ్రాన్ మరియు ఈశ్వర్లుగా గుర్తించారు. నిందితులు ఇద్దరూ సల్మాన్ రాజు అనే వ్యక్తిపై దాడి చేసి తీవ్రంగా గాయపరిచారు.బాధితుడి ఫిర్యాదు మేరకు కేసు నమోదు చేసుకున్న పోలీసులు, దర్యాప్తు చేపట్టి ఈ రోజు వారిని అరెస్ట్ చేశారు. విచారణలో ఇమ్రాన్పై నంద్యాల తాలూకా పోలీస్ స్టేషన్ పరిధిలో రౌడీషీట్ ఉన్నట్లు తేలిందని పోలీస్ అధికారి తెలిపారు.
*పోలీసుల హెచ్చరిక*
సమాజంలో రౌడీషీటర్లు మరియు ఇతర నేరస్థులు చట్టానికి కట్టుబడి, మర్యాదగా జీవించాలని పోలీసులు స్పష్టం చేశారు. శాంతిభద్రతలకు విఘాతం కలిగిస్తూ, చట్టవ్యతిరేక కార్యకలాపాలకు పాల్పడితే సహించేది లేదని హెచ్చరించారు. నిబంధనలు అతిక్రమించే వారిపై నాన్-బెయిలబుల్ (Non-Bailable) కేసులు నమోదు చేయడమే కాకుండా, అవసరమైతే పీడీ యాక్ట్ (PD Act) ప్రయోగించి కఠిన చర్యలు తీసుకుంటామని హెచ్చరించారు. ప్రజలకు ఏవైనా సమస్యలు ఉంటే నేరుగా పోలీసులను ఆశ్రయించాలని సూచించారు.
