1500 నాటు కోళ్లు మృత్యువాత

అనంతపురం బ్యూరో 

1500 నాటు కోళ్లు మృత్యువాత

సిద్ధరాంపురం: మండల పరిధిలోని సిద్ధరాంపురం గ్రామంలో వెంకట్రాముడికి చెందిన కోళ్ల ఫారంలో సుమారు 1,500 నాటు కోళ్లు మృత్యువాత పడ్డాయి. ఫారంలో మొత్తం 2,500 కోళ్లు ఉండగా, గత రెండు రోజులుగా వరుసగా కోళ్లు మృతి చెందుతున్నాయి.

విషయం తెలుసుకున్న వెటర్నరీ ఏడీ డాక్టర్ రత్నకుమార్, వెటర్నరీ డాక్టర్ గోవిందరాజులు సంఘటనా స్థలానికి చేరుకుని పరిస్థితిని పరిశీలించారు. మృతి చెందిన కొన్ని కోళ్లను పరీక్షల నిమిత్తం ల్యాబ్‌కు తరలించారు. కోళ్లు మృతి చెందడానికి గల అసలు కారణం ల్యాబ్ పరీక్షల నివేదిక వచ్చిన అనంతరం వెల్లడవుతుందని అధికారులు తెలిపారు.