ప్రజా సమస్యల పరిష్కారమే లక్ష్యం: కలెక్టర్ ఆనంద్
అనంతపురం బ్యూరో
ప్రజా సమస్యల పరిష్కారమే లక్ష్యం: కలెక్టర్ ఆనంద్
అనంతపురం, సెప్టెంబర్ 28:
ప్రజా సమస్యలను వేగంగా, పారదర్శకంగా, నిబంధనల మేరకు పరిష్కరించడమే ప్రభుత్వ లక్ష్యమని జిల్లా కలెక్టర్ ఓ. ఆనంద్ తెలిపారు. సోమవారం కలెక్టరేట్లోని రెవెన్యూ సమావేశ మందిరంలో నిర్వహించిన ప్రజా సమస్యల పరిష్కార వేదిక (పీజీఆర్ఎస్), రెవెన్యూ క్లినిక్లో ప్రజల నుంచి అర్జీలను స్వీకరించారు.
అర్జీలను నాణ్యతతో, నిర్ణీత గడువులోగా పరిష్కరించాలని అధికారులను ఆదేశించారు. ముఖ్యంగా భూ సమస్యలు, రీసర్వే అనంతరం సరిహద్దు వివాదాలు, రికార్డుల్లో తప్పులు, విస్తీర్ణ వ్యత్యాసాలపై వచ్చే ఫిర్యాదులను ప్రాధాన్యతతో పరిష్కరించాలని సూచించారు. 1100 టోల్ఫ్రీ సేవ ద్వారా వచ్చే ఫిర్యాదులపైనా ప్రత్యేక దృష్టి పెట్టాలని తెలిపారు.
నేటి పీజీఆర్ఎస్లో జిల్లా వ్యాప్తంగా 497 అర్జీలు అందగా, వీటిలో 255 రెవెన్యూ క్లినిక్కు, 252 ఇతర సమస్యలకు సంబంధించినవిగా అధికారులు తెలిపారు. కార్యక్రమంలో జాయింట్ కలెక్టర్ సి. విష్ణుచరణ్, రెవెన్యూ అధికారి ఏ. మాలోల, ఇతర అధికారులు పాల్గొన్నారు.
