అన్నదాన పథకానికి రూ1,00,001 ఇచ్చిన కుందూరు కుటుంబసభ్యులు

నారాయణస్వామి దేవస్థానం ఆదాయం రూ. 2,00,309 

సిఎస్ పురం,మేజర్ న్యూస్ :  ప్రసిద్ధిగాంచిన ప్రముఖ పుణ్యక్షేత్రం మిట్టపాలెం శ్రీనారాయణస్వామి దేవస్థానం నందు అన్నప్రసాద వితరణకు పామూరు మండలలోని  చట్టుమడుగు గ్రామానికిచెందిన   కుందూరు శివరామయ్య చౌదరి - జయలక్ష్మి దంపతులు కుమారుడు కుందూరు బాలకృష్ణ , రాజ్యలక్ష్మి దంపతులు 1,00,001 రూపాయలు విరాళం అందజేసినట్లు దేవస్థానం కార్యనిర్వాహణాధికారి శ్రీగిరిరాజ నరసింహబాబు తెలిపారు. ఈసందర్భంగా ఈఓ మాట్లాడుతూ నారాయణస్వామి దేవస్థానం ఆదివారం ఆదాయం 2,00,309 రూపాయలు వచ్చినట్లు వీటిలో పూజాటికెట్లు విక్రయం ద్వారా 54,170 లడ్డుప్రసాదం అమ్మకం ద్వారా 22,340 శాశ్వత అన్నదాన పథకానికి 1,23,799 మొత్తం 2,00,309 రూపాయలు వచ్చినట్లు ఈఓ తెలిపారు. ఈసందర్భంగా శాశ్వత అన్నదాన పథకానికి 1,00,001 రూపాయలు విరాళం అందజేసిన దాతలు కుందూరు శివరామయ్య చౌదరి శ్రీమతి జయలక్ష్మి దంపతులు కుమారుడు కుంరూరు బాలకృష్ణ శ్రీమతి రాజ్యలక్ష్మి దంపతులను ఈఓ స్వామివారి శేషవస్త్రంతో ఘనంగా సత్కరించి ప్రసాదాలు అందజేసి అభినందనలు తెలిపారు. ఈకార్యక్రమంలో దేవస్థానం సిబ్బంది,దాతలు పాల్గొన్నారు.