స్థానిక ఎన్నికలకు అంతా సిద్ధం కావాలి.

స్థానిక ఎన్నికలకు అంతా సిద్ధం కావాలి.

స్థానిక ఎన్నికలకు వైఎస్సార్‌సీపీ శ్రేణులంతా సన్నద్ధం కావాలని వైఎస్సార్సీపీ విద్యార్థి విభాగం రాష్ట్ర వర్కింగ్‌ ప్రెసిడెంట్‌ చెవిరెడ్డి హర్షిత్‌రెడ్డి పిలుపునిచ్చారు. చంద్రగిరి నియోజకవర్గంలోని యర్రావారిపాలెం మండలం, నెరబైలు గ్రామపంచాయతీలో పార్టీ నాయకులు, కార్యకర్తలతో  సోమవారం ప్రత్యేక సమావేశం నిర్వహించారు. ఎన్నికల్లో అనుసరించాల్సిన వ్యూహం, క్షేత్రస్థాయిలో చేపట్టాల్సిన కార్యక్రమాలపై దిశానిర్దేశం చేశారు. వార్డు మెంబర్‌ నుంచి సర్పంచ్‌, ఎంపీటీసీ, జెడ్పీటీసీ వరకు అన్ని స్థానాల్లో వైఎస్సార్‌సీపీ తరఫున అభ్యర్థులను బరిలోకి దింపుతామని హర్షిత్‌రెడ్డి తెలిపారు. ప్రతి చోటా గెలుపు అవకాశాలున్న బలమైన అభ్యర్థులను ఎంపిక చేసి.. వారి విజయానికి పార్టీ శ్రేణులంతా సమన్వయంతో పనిచేయాలని సూచించారు. 70 శాతం వరకు స్థానాల్లో విజయం సాధిస్తామనే నమ్మకం ఉందన్నారు.

*ప్రజల పక్షాన నిలవాలి**

ఎన్నికలు సమీపిస్తున్న వేళ నాయకులు, కార్యకర్తలు ప్రజలకు మరింత చేరువ కావాలని హర్షిత్‌రెడ్డి సూచించారు. గ్రామాల్లో నెలకొన్న సమస్యలను గుర్తించి.. వాటి పరిష్కారం కోసం అధికారులను నిలదీయాలని అన్నారు. ప్రజా సమస్యలపై ప్రశ్నించడమే కాకుండా.. పరిష్కారం లభించే వరకు అధికారులపై ఒత్తిడి తీసుకురావాలని పిలుపునిచ్చారు. క్షేత్రస్థాయిలో పార్టీ శ్రేణులు చురుగ్గా పనిచేస్తే ప్రజా మద్దతు మరింత బలోపేతమవుతుందని పేర్కొన్నారు.

 **బెదిరింపులకు భయపడొద్దు**

ఎన్నికల సమయంలో వచ్చే బెదిరింపులకు పార్టీ నాయకులు, కార్యకర్తలు భయపడాల్సిన అవసరం లేదని హర్షిత్‌రెడ్డి స్పష్టం చేశారు. ‘‘మీకు చెవిరెడ్డి కుటుంబం అండగా ఉంది.. ఈ విషయాన్ని మరవొద్దు’’ అని భరోసా ఇచ్చారు. ప్రతి గ్రామంలో బలమైన అభ్యర్థులను నిలబెట్టి.. పార్టీ శ్రేణులంతా ఒక్కతాటిపైకి వచ్చి పనిచేయాలని కోరారు. వైఎస్సార్‌సీపీ అభ్యర్థులకు ప్రజలు మద్దతుగా నిలిచేందుకు సిద్ధంగా ఉన్నారని హర్షిత్‌రెడ్డి పేర్కొన్నారు. పార్టీ శ్రేణులు క్షేత్రస్థాయిలో సమన్వయంతో పనిచేసి ఎన్నికల పోరుకు సిద్ధం కావాలని సూచించారు. సమావేశంలో పంచాయతీ పార్టీ నాయకులు, కార్యకర్తలు ఉత్సాహంగా పాల్గొన్నారు. అనంతరం పార్టీలో వివిధ పదవులు పొందిన నాయకులకు గుర్తింపు కార్డులను పంపిణీ చేశారు. ఈ కార్యక్రమంలో  చెంగల్ రెడ్డి, కరుణాకర్ రెడ్డి, హరినాథ్ రెడ్డి ,దేవేంద్ర, సుధాకర్ రెడ్డి, జయంత్, మస్తాన్, ఉమర్ బాషా, సుభాన్, హనీఫ్, అబ్దుల్ రెహమాన్, రాజమ్మ, సుభాషిణి, పద్మావతి, రామచంద్ర రెడ్డి,వెంకట సిద్దులు, మహేశ్వర్ రెడ్డి, శంకర్ రెడ్డి, రామచంద్ర రెడ్డి ,వెంకట ముని నాయుడు, శ్రీను, సునీల్, బోడేవాండ్ల పల్లి గ్రామ అధ్యక్షుడు రవి, యర్రావారి పాలెం గ్రామ కమిటీ అధ్యక్షుడు కృష్ణమూర్తి, బబ్లూ, గంగిరెడ్డి, రమేష్, బాలాజీ, నాగులేష్, శేషారెడ్డి తదితరులు పాల్గొన్నారు.