telanagana
పెద్దాపూర్లో అండర్ డ్రైనేజీ పనులకు భూమిపూజ
పెద్దాపూర్లో అండర్ డ్రైనేజీ పనులకు భూమిపూజ
సదాశివపేట ; సదాశివపేట మండలం పెద్దాపూర్ గ్రామంలో సోమవారం అండర్ డ్రైనేజీ పనులకు భూమిపూజ కార్యక్రమం నిర్వహించారు. గ్రామంలోని పలు వార్డుల్లో ఇళ్ల నుంచి వెలువడే మురుగు నీటితో ప్రజలు ఇబ్బందులు పడుతున్న నేపథ్యంలో ఈ పనులకు శ్రీకారం చుట్టారు.సమస్యను గుర్తించిన సర్పంచ్ మణిషా బాలరాజ్ గౌడ్ పాలకవర్గంతో చర్చించి అండర్ డ్రైనేజీ పనులకు భూమిపూజ చేశారు. డ్రైనేజీ పనులు పూర్తయితే మురుగు నీటి సమస్యకు పరిష్కారం లభించడంతో పాటు ఈగలు,దోమల ద్వారా వ్యాధుల వ్యాప్తిని అరికట్టవచ్చని గ్రామస్తులు తెలిపారు.
