నకిలీ ఎస్టీ ధ్రువీకరణ పత్రాలపై చర్యలు తీసుకోవాలి

అనంతపురం బ్యూరో

నకిలీ ఎస్టీ ధ్రువీకరణ పత్రాలపై చర్యలు తీసుకోవాలి

మూడు రోజులైనా కేసు నమోదు చేయని ఆత్మకూరు పోలీసులపై ఆరోపణలు

అనంతపురం: నకిలీ ఎస్టీ కుల ధ్రువీకరణ పత్రాలు పొందుతున్న వారిపై కఠిన చర్యలు తీసుకోవాలని గిరిజన విద్యార్థి సంక్షేమ సంఘం (GVSS) రాష్ట్ర అధ్యక్షుడు శివకుమార్ నాయక్ డిమాండ్ చేశారు.

అనంతపురంలోని విద్యుత్‌నగర్‌లో నిర్వహించిన విలేకరుల సమావేశంలో ఆయన మాట్లాడుతూ.. ఆత్మకూరు మండలం సింగంపల్లి తండాలో నకిలీ ఎస్టీ ధ్రువీకరణ పత్రాల వ్యవహారంపై రెవెన్యూ అధికారులు విచారణ చేపట్టి, సంబంధిత వ్యక్తిపై ఆత్మకూరు పోలీసులకు ఫిర్యాదు చేసినట్లు తెలిపారు. మూడు రోజులైనా పోలీసులు కేసు నమోదు చేయకపోవడంపై ఆయన ప్రశ్నించారు.

ఈ వ్యవహారంలో అధికార పార్టీ నాయకుల జోక్యం ఉందని కొందరు ఆరోపిస్తున్నారని, అయితే దీనిపై పోలీసులు నిష్పక్షపాతంగా విచారణ జరిపి వాస్తవాలను వెలుగులోకి తీసుకురావాలని శివకుమార్ నాయక్ కోరారు. గిరిజనుల హక్కులకు భంగం కలిగించే చర్యలను సహించబోమని, నకిలీ ధ్రువీకరణ పత్రాలపై సమగ్ర దర్యాప్తు చేసి బాధ్యులపై చట్టపరమైన చర్యలు తీసుకోవాలని డిమాండ్ చేశారు.