ఆక్రమణ లు స్వచ్ఛందంగా తొలగించాలి

ఆక్రమణలను స్వచ్ఛందంగా తొలగించాలి: కమిషనర్ రాహుల్ మీనా*

*టౌన్ ప్లానింగ్ ఆధ్వర్యంలో కొనసాగుతున్న స్పెషల్ డ్రైవ్*

నగరంలోని రహదారులు, ఫుట్ పాత్ లను ఆక్రమించిన వారు స్వచ్ఛందంగా తొలగించాలని కమిషనర్ రాహుల్ మీనా సూచించారు. నిబంధనలు అతిక్రమించి ప్రజా రహదారులు, ఫుట్ పాత్లు, కాలువలపై దుకాణాదారులు నిర్మించిన అక్రమ నిర్మాణాల తొలగింపునకు పట్టణ ప్రణాళిక అధికారులు చేపట్టిన స్పెషల్ డ్రైవ్ సోమవారం కొనసాగింది. నగరపాలక కమిషనర్ ఆదేశాల మేరకు ఏవీఏ రోడ్డు, రామాలయం జంక్షన్ వద్ద రోడ్డు, ఫుట్ పాత్ లపై అడ్డంగా ఉన్న బడ్డీలు, తోపుడుబండ్లను జేసీబీ సాయంతో టౌన్ ప్లానింగ్ సిబ్బంది తొలగించారు. రోడ్లను విశాలంగా ఉంచడంతో పాటు ట్రాఫిక్ కు, ప్రజల రాకపోకలకు ఇబ్బందులు లేకుండా, ప్రమాదాల నివారణకు ఈ చర్యలు చేపట్టినట్లు కమిషనర్ తెలిపారు. రానున్న పుష్కరాల నేపథ్యంలో ట్రాఫిక్‌ ఇబ్బందులు తొలగించడం, ఫుట్‌ పాత్‌లను పునరుద్ధరించడం, పాదచారుల భద్రతను మెరుగుపరచడం కోసం ఈ కార్యక్రమాన్ని నిర్విరామంగా కొనసాగించడం జరుగుతుందన్నారు. ఆక్రమణలను తొలగించిన ప్రాంతాలలో మరలా దుకాణాలు ఏర్పాటు చేస్తే కఠిన చర్యలు తీసుకుంటామని హెచ్చరించారు. స్వచ్ఛ రాజమహేంద్రవరం, ప్రమాదాల నివారణ, విశాలమైన రహదారుల కోసం ప్రజలు నగరపాలక అధికారులకు సహకరించాలని కోరారు.