ఉచిత కంటి వైద్య శిబిరానికి విశేష స్పందన
ఉచిత కంటి వైద్య శిబిరానికి విశేష స్పందన
రేణిగుంట మేజర్ న్యూస్: రేణిగుంట పట్టణంలోని ఎంపీడీవో కార్యాలయ సమావేశ మందిరంలో ఆదివారం లైన్స్ క్లబ్ ఆఫ్ రేణిగుంట జంక్షన్, తిరుపతి అమెరికన్ లేజర్ ఐ హాస్పిటల్స్ సంయుక్త ఆధ్వర్యంలో ఉచిత కంటి వైద్య శిబిరం నిర్వహించారు. ఈ శిబిరానికి పలువురు హాజరై కంటి పరీక్షలు చేయించుకోగా, వైద్యులు అవసరమైన మందులను ఉచితంగా పంపిణీ చేశారు. వచ్చిన వారికి మజ్జిగ, మధ్యాహ్న భోజన సదుపాయం కల్పించారు. ఈ సందర్భంగా క్లబ్ అధ్యక్షుడు జూలియన్ రాజు మాట్లాడుతూ, శిబిరం నిర్వహణకు సహకరించిన అమెరికన్ లేజర్ ఐ హాస్పిటల్స్ వైద్య బృందానికి, అనుమతులు ఇచ్చిన ఎంపీడీవో, ఇతర అధికారులకు కృతజ్ఞతలు తెలిపారు. భవిష్యత్తులోనూ క్లబ్ ఆధ్వర్యంలో మరిన్ని సేవా కార్యక్రమాలు నిర్వహిస్తామని పేర్కొన్నారు. ఈ కార్యక్రమంలో క్లబ్ ప్రధాన కార్యదర్శి రాజేంద్ర, ట్రెజరర్ కోటేశ్వరరావు, సభ్యులు గంగారి రమేష్, ప్రభాకర్, నవీన్, నరేష్, అరుణ్ పాండ్యన్, అనిల్, ప్రభు, మురళి తదితరులు పాల్గొన్నారు.
రిపోర్టర్: రమేష్ బాబు కొండల
