టీడీపీలో చేరిన వైసీపీ నాయకులు

విజయవాడ రూరల్‌, మేజర్ న్యూస్.

నిడమానూరు గ్రామానికి చెందిన పలువురు వైసీపీ నాయకులు తెలుగుదేశం పార్టీలో చేరారు. గ్రామ పార్టీ అధ్యక్షుడు బండి వెంకట్రావు (నాని) ఆధ్వర్యంలో మాజీ ఎంపీటీసీ (కో-ఆప్షన్‌ సభ్యుడు) ఎం.డి. ఇస్మాయిల్‌, మాజీ సర్పంచ్‌ సోమన సాయిబాబుతో పాటు వారి అనుచరులు టీడీపీ తీర్థం పుచ్చుకున్నారు. ఏపీ ప్రభుత్వ విప్‌, గన్నవరం ఎమ్మెల్యే యార్లగడ్డ వెంకట్రావు వారికి పార్టీ కండువాలు కప్పి సాదరంగా ఆహ్వానించారు. కూటమి నాయకులతో సమన్వయంతో పనిచేస్తూ గ్రామాభివృద్ధికి, ప్రజా సమస్యల పరిష్కారానికి కృషి చేయాలని సూచించారు. నిడమానూరులో టీడీపీని మరింత బలోపేతం చేసేందుకు అందరూ కలిసికట్టుగా పనిచేయాలని కోరారు. కార్యక్రమంలో పీఏసీఎస్‌ అధ్యక్షుడు కానూరు యుగంధర్‌, టీడీపీ క్లస్టర్‌-3 ఇన్‌చార్జి అడుసుమిల్లి నవీన్‌, నాయకులు మాదాల నాని బాబు, అరవపల్లి రమేష్‌ తదితరులు పాల్గొన్నారు.

గుర్రం ప్రసాద్, గన్నవరం.