టీడీపీ, జనసేన నేతలు సమష్టిగా పనిచేయాలి

నెల్లూరు రూరల్, మేజర్ న్యూస్: నెల్లూరు రూరల్ నియోజకవర్గ పరిధిలోని 30వ డివిజన్ బి.వి. నగర్‌లో కూటమి అభ్యర్థి నూనె రుషి యాదవ్‌కు మద్దతుగా ఎమ్మెల్యే కోటంరెడ్డి శ్రీధర్ రెడ్డి ఎన్నికల ప్రచారంలో పాల్గొన్నారు. ఈ సందర్భంగా టీడీపీ, జనసేన నాయకులు సమన్వయంతో పనిచేసి అభ్యర్థి విజయానికి కృషి చేయాలని ఆయన పిలుపునిచ్చారు. నెల్లూరు నగరపాలక సంస్థలో యువ నాయకుడు రుషి యాదవ్‌కు ప్రాతినిధ్యం కల్పించాలనే లక్ష్యంతో పార్టీ శ్రేణులు సమష్టిగా పనిచేయాలని కోటంరెడ్డి శ్రీధర్ రెడ్డి పేర్కొన్నారు. 30వ డివిజన్‌లో కూటమి అభ్యర్థికి 1,000 ఓట్ల మెజారిటీ సాధించేలా ప్రతి నాయకుడు, కార్యకర్త కృషి చేయాలని సూచించారు.  ఈ సందర్భంగా కూటమి అభ్యర్థి నూనె రుషి యాదవ్‌కు మద్దతు తెలిపి, అత్యధిక మెజారిటీతో గెలిపించాలని ఓటర్లను కోరారు.  ఈ ప్రచార కార్యక్రమంలో కార్పొరేటర్ మూలే విజయభాస్కర్ రెడ్డి, నూనె మల్లికార్జున యాదవ్‌తో పాటు పలువురు కూటమి నాయకులు, కార్యకర్తలు పాల్గొన్నారు.