తనూజ విజయానికి విస్తృత ప్రచారం... ఇంటింటికి తిరిగిన తలారి రంగయ్య.
శెట్టూరు: గ్రామ పంచాయతీ ఎన్నికల ప్రచారంలో భాగంగా శెట్టూరు గ్రామంలో వైఎస్సార్ కాంగ్రెస్ పార్టీ బలపరిచిన సర్పంచ్ అభ్యర్థి తనూజకు మద్దతుగా మాజీ ఎంపీ, కళ్యాణదుర్గం వైసీపీ సమన్వయకర్త డాక్టర్ తలారి రంగయ్య ప్రచారం నిర్వహించారు. స్థానిక వైసీపీ నాయకులు, కార్యకర్తలతో కలిసి గ్రామంలోని వివిధ వీధుల్లో ఇంటింటికీ తిరుగుతూ ఓటర్లను కలుసుకున్నారు. ఈ సందర్భంగా సర్పంచ్ అభ్యర్థి తనూజను గెలిపించాలని ఓటర్లను కోరారు. గ్రామ అభివృద్ధి, ప్రజా సమస్యల పరిష్కారానికి కృషి చేసే అభ్యర్థికి ప్రజలు మద్దతుగా నిలవాలని పిలుపునిచ్చారు. ప్రచారంలో భాగంగా స్థానికులతో మాట్లాడి వారి సమస్యలు, అభిప్రాయాలను తెలుసుకున్నారు. వైసీపీ నాయకులు, కార్యకర్తలు ఎన్నికల ప్రచారంలో చురుగ్గా పాల్గొని తనూజ విజయానికి కృషి చేయాలని సూచించారు. గ్రామ ప్రజల ఆదరణతో సర్పంచ్ అభ్యర్థి తనూజ విజయం సాధిస్తారనే ఆశాభావాన్ని తలారి రంగయ్య వ్యక్తం చేశారు. ఈ కార్యక్రమంలో స్థానిక వైసీపీ నాయకులు, కార్యకర్తలు, అభిమానులు పాల్గొన్నారు.