ఐతాబాద్ ట్రేఫోయిల్ ప్యాకింగ్ కంపెనీలో అగ్నిప్రమాదం
షాబాద్, మేజర్ న్యూస్ (నవంబర్ 22) : షాబాద్ మండలం ఐతాబాద్ పరిధిలోని ట్రేఫోయిల్ ప్యాకింగ్ ప్రైవేట్ లిమిటెడ్ కంపెనీలో శనివారం అగ్నిప్రమాదం చోటుచేసుకున్నట్లు సమాచారం. కంపెనీ ప్రాంగణంలో ఒక్కసారిగా మంటలు చెలరేగడంతో పరిసర ప్రాంతాల్లో కలకలం రేగింది. కంపెనీలో మంటలు వ్యాపిస్తున్న విషయం తెలుసుకున్న స్థానికులు ఆందోళనకు గురయ్యారు. అగ్నిప్రమాదం ఎలా సంభవించింది? మంటలు చెలరేగడానికి గల కారణాలు ఏమిటి? ప్రమాద తీవ్రత ఎంత? అనే విషయాలపై పూర్తి వివరాలు తెలియాల్సి ఉంది. ఈ ఘటనలో ఎవరైనా గాయపడ్డారా? ప్రాణనష్టం లేదా ఆస్తి నష్టం జరిగిందా? అనే అంశాలపై ఇంకా స్పష్టత రావాల్సి ఉంది. సంబంధిత అధికారులు ఘటనపై విచారణ చేపట్టి ప్రమాదానికి గల కారణాలను వెల్లడించాల్సి ఉంది. పూర్తి వివరాలు తెలియాల్సి ఉంది.