andhrapradesh
స్వర్ణ గ్రామ కార్యదర్శుల చలో విజయవాడ కార్యక్రమానికి అనుమతి లేదు జిల్లా ఎస్పీ జగదీష్
అనంతపురం బ్యూరో:
స్వర్ణ గ్రామ, స్వర్ణ వార్డు సచివాలయ ఉద్యోగులు ఈనెల 27న చేపట్టనున్న “చలో విజయవాడ” కార్యక్రమానికి అనుమతి లేదని జిల్లా ఎస్పీ పి.జగదీష్, తెలిపారు. నోషనల్ ఇంక్రిమెంట్లు, మృతి చెందిన ఉద్యోగుల కుటుంబాలకు ప్రయోజనాలు, ప్రమోషన్ అవకాశాలు, జీవో నెంబర్.11 రద్దు తదితర డిమాండ్లతో విజయవాడలో ధర్నాకు ఉద్యోగులు పిలుపునిచ్చినట్లు పేర్కొన్నారు.
అనుమతి లేని ర్యాలీలు, ధర్నాల్లో పాల్గొని ఇబ్బందులు తెచ్చుకోవద్దని ఉద్యోగులకు ఎస్పీ సూచించారు. ప్రభుత్వ ఉత్తర్వులు, అధికారుల ఆదేశాలను ఉల్లంఘించి కార్యక్రమానికి హాజరైతే నిబంధనల మేరకు చట్టపరమైన చర్యలు తీసుకుంటామని స్పష్టం చేశారు. ఉద్యోగులు ప్రభుత్వ ఆదేశాలను పాటించి “చలో విజయవాడ” కార్యక్రమానికి వెళ్లకుండా సహకరించాలని ఆయన విజ్ఞప్తి చేశారు.
