27 ఆదివారం బ్యాంకులు పనిచేస్తాయి

సెప్టెంబర్ 27న బ్యాంకులు పనిచేస్తాయి

భీమవరం, మేజర్ న్యూస్:

పశ్చిమగోదావరి జిల్లాలో సెప్టెంబర్ 27 ఆదివారం బ్యాంకులు పనిచేస్తాయని జిల్లా లీడ్ బ్యాంక్ మేనేజర్ ఎం.వి. జాన్ మార్టిన్ తెలిపారు. ఖాతాదారులు ఈ అవకాశాన్ని వినియోగించుకుని అవసరమైన బ్యాంకింగ్ లావాదేవీలను పూర్తి చేసుకోవాలని సూచించారు.యునైటెడ్ ఫోరం ఆఫ్ బ్యాంక్ యూనియన్స్ (UFBU) ఆధ్వర్యంలో సెప్టెంబర్ 28, 29, 30 తేదీల్లో దేశవ్యాప్తంగా బ్యాంకు ఉద్యోగులు సమ్మెకు పిలుపునిచ్చిన నేపథ్యంలో బ్యాంకింగ్ సేవలకు అంతరాయం కలిగే అవకాశం ఉందన్నారు. ఖాతాదారులు ముందుగానే అవసరమైన లావాదేవీలు పూర్తి చేసుకోవాలని, అవసరాన్ని బట్టి ఏటీఎంలు, డిజిటల్ బ్యాంకింగ్ సేవలను వినియోగించుకోవాలని సూచించారు.

 శ్రీనివాస్ భీమవరం