సేవా సంకల్ప్ అభయాన్లో అంగన్వాడీ ఉత్సవాలు
సేవా సంకల్ప్ అభయాన్లో అంగన్వాడీ ఉత్సవాలు
కామవరపుకోట, మేజర్న్యూస్ : ప్రధానమంత్రి నరేంద్రమోడీ ప్రజాసేవలో 25 ఏళ్లు పూర్తి చేసుకున్న సందర్భంగా సేవా సంకల్ప్ అభయాన్ కార్యక్రమం శనివారం ఘనంగా నిర్వహించారు. మహిళా శిశు సంక్షేమ శాఖ ఆధ్వర్యంలో సూపర్వైజర్ ఎం. విజయలక్ష్మి సూచనల మేరకు కామవరపుకోట 5వ అంగన్వాడీ సెంటర్ నందు జరిగిన కార్యక్రమానికి ముఖ్య అతిథులుగా టీడీపీ సీనియర్ నాయకులు నూతి రాటాలు, బీజేపీ నాయకురాలు ఘంటా మాధవి హాజరయ్యారు. ఈ నెల 25వ తేదీ నుంచి అక్టోబర్ 7వ తేదీ వరకు పోషణ మాస ఉత్సవాల్లో భాగంగా పలు కార్యక్రమాలు నిర్వహిస్తారు. ఈ సందర్భంగా గర్భిణీ, బాలింతలకు ఇచ్చే పోషకాహారం, 7 నెలల నుంచి 3 సంవత్సరాల చిన్నారులకు ఇచ్చే టీహెచ్ఆర్ గురించి, 3 - 5 సంవత్సరాల మధ్య అంగన్వాడీ కేంద్రంలో నమోదైన పిల్లలకు మధ్యాహ్న భోజన వివరాలు, పిల్లల బరువు, ఎత్తు, ప్రధానమంత్రి మాతృవందన యోజన పథకం, ప్రీ స్కూల్ ఆవశ్యకత గురించి గ్రామస్తులకు పలు సూచనలు చేశారు. కార్యక్రమంలో అంగన్వాడీ లబ్ధిదారులు, అంగన్వాడీ కార్యకర్తలు, ఆయాలు పాల్గొన్నారు.
సుభాష్ కామరపు కోట
