రాజ్యాంగ పరిరక్షణలో న్యాయవాదుల పాత్ర కీలకం

రాజ్యాంగ పరిరక్షణలో న్యాయవాదుల పాత్ర కీలకం

భీమవరం, మేజర్ న్యూస్: రాజ్యాంగాన్ని, ప్రజల హక్కులను పరిరక్షించాల్సిన బాధ్యత న్యాయవాదులపై ఉందని ఏపీ బార్ కౌన్సిల్ సభ్యుడు సుంకర రాజేంద్రప్రసాద్ అన్నారు. భీమవరం పేడీ రైస్ మర్చంట్ హాల్లో దిగుపాటి రాజగోపాల్ అధ్యక్షతన శనివారం ఆలిండియా లాయర్స్ యూనియన్ 11వ జిల్లా మహాసభ నిర్వహించారు.

‘అసమ్మతి–అణచివేత: న్యాయవాదుల పాత్ర’ అంశంపై రాజేంద్రప్రసాద్ మాట్లాడుతూ ప్రశ్నించే హక్కును కాపాడేందుకు న్యాయవాదులు ప్రజల పక్షాన నిలవాలన్నారు. యువ న్యాయవాదులు తీర్పులను అధ్యయనం చేసి ప్రజా సమస్యలపై పనిచేయాలని సూచించారు. న్యాయవ్యవస్థను పరిరక్షించడం అందరి బాధ్యత అన్నారు.సభాధ్యక్షుడు రాజగోపాల్ మాట్లాడుతూ న్యాయవాదులు, న్యాయ విద్యార్థుల సమస్యల పరిష్కారానికి ఆలిండియా లాయర్స్ యూనియన్ కృషి చేస్తోందన్నారు. కార్యక్రమంలో బార్ అసోసియేషన్ అధ్యక్షుడు వై. న్యూటన్‌తో పాటు బడుగు అశోక్‌బాబు, పాముల చిట్టిబాబు, కొవ్వూరి అప్పిరెడ్డి, శ్రీరామమూర్తి తదితరులు పాల్గొన్నారు.

 శ్రీనివాస్ భీమవరం