నగరం లో 245 పోలింగ్ స్టేషన్లో పై అభ్యంతరాల స్వీకరణ

అనంతపురం బ్యూరో: 

అనంతపురం నగరపాలక సంస్థ పరిధిలోని 62 డివిజన్లకు సంబంధించి 245 పోలింగ్ స్టేషన్లపై క్లెయిమ్స్, అభ్యంతరాల స్వీకరణకు గుర్తింపు పొందిన రాజకీయ పార్టీల ప్రతినిధులతో శనివారం సమావేశం నిర్వహించారు.

నగరపాలక సంస్థ కౌన్సిల్ హాల్‌లో జరిగిన సమావేశంలో అడిషనల్ ఎలక్షన్ అథారిటీ, కమిషనర్ జశ్వంతరావు మాట్లాడుతూ పోలింగ్ స్టేషన్లపై అభ్యంతరాలను వ్రాతపూర్వకంగా సమర్పించాలని సూచించారు. ఈ సందర్భంగా మొత్తం 10 అభ్యంతరాలు స్వీకరించగా, టీడీపీ నుంచి 8, వైఎస్సార్‌సీపీ నుంచి 2 అభ్యంతరాలు వచ్చాయి. వీటిని రాష్ట్ర ఎన్నికల సంఘం నిబంధనల మేరకు పరిశీలించి తగిన చర్యలు తీసుకుంటామని అధికారులు తెలిపారు.