పామూరు పోలీస్స్టేషన్ను ఆకస్మికంగా తనిఖీ చేసిన ఎస్పీ పంకజ్కుమార్ మీనా
- పెండింగ్ కేసులను త్వరగా పూర్తి చేయాలి
పామూరు, మేజర్ న్యూస్ :
రానున్న స్థానిక ఎన్నికలను అత్యంత పారదర్శకంగా, ప్రశాంత వాతావరణంలో నిర్వహించడమే లక్ష్యంగా మార్కాపురం జిల్లా ఎస్పీ పంకజ్కుమార్ మీనా ఆదివారం పామూరు పోలీస్స్టేషన్ను ఆకస్మికంగా తనిఖీ చేశారు.పామూరు పోలీస్స్టేషన్తో పాటు చుట్టూ ఉన్న పరిసరాలను ఎస్పీ పరిశీలించారు. అనంతరం స్టేషన్లోని రికార్డులను పరిశీలించి కేసుల నమోదు, వాటి స్థితిగతులను తెలుసుకున్నారు. పెండింగ్ కేసులను త్వరగా పూర్తి చేయాలని ఆదేశించారు. స్టేషన్ పరిధిలోని శాంతిభద్రతల గురించి ఆరా తీశారు.
రోడ్డు ప్రమాదాల నివారణకు ప్రత్యేక చర్యలు తీసుకుంటూ స్టేషన్ పరిధిలో ఎలాంటి నేరాలు జరగకుండా ముందస్తు జాగ్రత్తలు తీసుకోవాలని పోలీస్ అధికారులను ఆదేశించారు.ప్రజలకు నిత్యం అందుబాటులో ఉంటూ పోలీస్ శాఖపై మరింత నమ్మకం పెంపొందించేలా ఉత్తమ సేవలు అందించాలని సూచించారు. చట్టవ్యతిరేక, అసాంఘిక కార్యకలాపాలపై ప్రత్యేక నిఘా పెట్టి నివారించాలని ఆదేశించారు.రానున్న స్థానిక ఎన్నికల నిమిత్తం సిబ్బందికి కేటాయించిన గ్రామాల్లో సమాచారాన్ని క్షేత్రస్థాయిలో సేకరిస్తూ ఎప్పటికప్పుడు పై అధికారులకు తెలియజేయాలని సూచించారు. సిఐ వినోద్ కుమార్, ఎస్సై అనూక్, సిబ్బంది పాల్గొన్నారు.
