పల్లె పండుగకు రామాపురం ఏర్పాట్లను పరిశీలించిన మంత్రి గొట్టిపాటి

- 29న పల్లె పండుగ-3.0 ప్రారంభోత్సవం

- సీఎం, చంద్రబాబు, డిప్యూటీ సీఎం పవన్ కళ్యాణ్ రాక నేపథ్యంలో ఏర్పాట్ల పరిశీలన

   సూర్య ప్రతినిధి, ఒంగోలు : 

ఈ నెల 29న ముఖ్యమంత్రి నారా చంద్రబాబునాయుడు, ఉప ముఖ్యమంత్రి కొణిదెల పవన్‌కల్యాణ్ చేతుల మీదుగా వరికుంటపాడు మండలంలోని రామాపురం వద్ద జరగనున్న కార్యక్రమానికి సంబంధించి ఆదివారం సాయంత్రం  రాష్ట్ర విద్యుత్‌ శాఖ మంత్రి గొట్టిపాటి రవికుమార్‌ ఏర్పాట్లను పరిశీలించారు. టీడీపీ ముఖ్య నేతలతో కలిసి రామాపురంలో పర్యటించిన ఆయన కార్యక్రమ ప్రాంగణం, సభా వేదిక, పరిసర ప్రాంతాలను పరిశీలించారు.

ముఖ్యమంత్రి, ఉప ముఖ్యమంత్రి పాల్గొనే కార్యక్రమానికి ఎలాంటి ఇబ్బందులు లేకుండా ఏర్పాట్లు పకడ్బందీగా పూర్తి చేయాలని మంత్రి సూచించారు. కార్యక్రమానికి హాజరయ్యే ప్రజలకు అవసరమైన సౌకర్యాలు, రాకపోకలు, పార్కింగ్‌ తదితర అంశాలపై నేతలతో చర్చించారు. కార్యక్రమ ప్రాంగణంలో జరుగుతున్న ఏర్పాట్లను పరిశీలించి పలు సూచనలు చేశారు.29న జరిగే పల్లె పండుగ-3.0 ప్రారంభోత్సవాన్ని విజయవంతంగా నిర్వహించేందుకు టీడీపీ ముఖ్య నేతలు సమన్వయంతో పనిచేస్తున్నారని మంత్రి తెలిపారు. సభకు వచ్చే ప్రజలకు ఎలాంటి అసౌకర్యం కలగకుండా అవసరమైన ఏర్పాట్లు చేయాలని సూచించారు. ఈ కార్యక్రమంలో జోనల్‌ కోఆర్డినేటర్‌, ఎమ్మెల్యే మద్దిపాటి వెంకటరాజు, నెల్లూరు పార్లమెంట్‌ టీడీపీ అధ్యక్షుడు, ఎమ్మెల్సీ బీదా రవిచంద్ర, కనిగిరి ఎమ్మెల్యే డాక్టర్ ముక్కు ఉగ్ర నరసింహారెడ్డి, ఉదయగిరి ఎమ్మెల్యే కాకర్ల సురేష్, గిద్దలూరు ఎమ్మెల్యే ముత్తుముల అశోక్‌రెడ్డి, ఏపీ మారిటైమ్‌ బోర్డు చైర్మన్‌ దామచర్ల సత్య, ఎర్రగొండపాలెం టీడీపీ ఇన్‌చార్జి గూడూరి ఎరిక్షన్‌బాబు, కార్పొరేషన్‌ చైర్మన్‌ కె.కె.చౌదరి, నియోజకవర్గ పరిశీలకులు నాగేశ్వరరావు తదితరులు పాల్గొన్నారు.