గంగమ్మ తల్లికి ఘనంగా పూజలు

*అంకెవానిపల్లె గ్రామంలో సమృద్ధిగా వర్షాలు కురవాలని గంగమ్మ తల్లికి ప్రత్యేక పూజలు*

లింగాల మేజర్ న్యూస్: లింగాల మండలం అంకెవానిపల్లె గ్రామంలో చాలా రోజుల తర్వాత సమృద్ధిగా వర్షాలు కురవడంతో గ్రామ ప్రజలు ఆనందం వ్యక్తం చేశారు. ఈ సందర్భంగా గ్రామ ప్రజలందరూ ఐకమత్యంతో శ్రీ గంగమ్మ తల్లి అమ్మవారికి ప్రత్యేక పూజా కార్యక్రమాలు నిర్వహించారు.
గ్రామ మహిళలు బిందెలతో నీటిని తీసుకువచ్చి గంగమ్మ తల్లికి నీరు సమర్పించి, కొబ్బరికాయలు కొట్టి భక్తిశ్రద్ధలతో పూజలు చేశారు. అమ్మవారి ఆశీస్సులతో గ్రామంలో సుఖసంతోషాలు వెల్లివిరియాలని, పాడిపంటలు సమృద్ధిగా పండాలని భక్తులు కోరుకున్నారు.
రాబోయే రోజుల్లో కూడా వర్షాలు సమృద్ధిగా కురిసి చెరువులు, కుంటలు నిండాలని, రైతులకు సాగునీటి ఇబ్బందులు లేకుండా పంటలు బాగా పండాలని గ్రామ ప్రజలు గంగమ్మ తల్లిని వేడుకున్నారు. ఈ ప్రత్యేక ఈ కార్యక్రమంలో మహిళలు పెద్ద ఎత్తున పాల్గొన్నారు అలాగే గ్రామ పెద్దలు యూత్
పాల్గొని అమ్మవారి ఆశీస్సులు పొందారు.