సురక్షితమైన దీపావళిని జరుపుకుందాం

ఆరిలోవ, సూర్య : దీపాల పండుగ దీపావళి ఆనందోత్సాహాలు, ఆత్మీయత, ఐక్యతకు ప్రతీక. ఈ పండుగ ప్రతి ఒక్కరి జీవితాల్లో సంతోషం, సిరిసంపదలు, ముఖ్యంగా భద్రతను తీసుకురావాలని ఎల్‌వీ ప్రసాద్ ఐ ఇన్‌స్టిట్యూట్  ఆకాంక్షిస్తోంది. పండుగ సంబరాలకు సిద్ధమవుతున్న ఈ తరుణంలో, కంటి భద్రతకు తీసుకోవాల్సిన ముఖ్యమైన జాగ్రత్తలను ఎల్‌వీ ప్రసాద్ ఐ ఇన్‌స్టిట్యూట్ వివరించింది. చూపు అనే అమూల్యమైన వరాన్ని ప్రమాదంలోకి నెట్టకుండా దీపావళి వెలుగులను  జీవితాల్లో నింపుకుందాం! బాణసంచా పేల్చడం వల్ల కలిగే కంటి గాయాలు స్వల్పమైన మంట, చికాకు, కంటి పై గీతలు పడటం నుంచి కార్నియా దెబ్బతినడం, కంటి లోపల రక్తస్రావం, గాయం కారణంగా కంటిశుక్లం ఏర్పడటం, రెటీనాకు నష్టం కలగడం, చివరికి శాశ్వతంగా చూపు కోల్పోవడం వరకు సంభావించవచ్చు. దీపావళి టపాకాయలు కాల్చే సమయంలో తీసుకోవలసిన జాగ్రత్తలు గురించి కన్సల్టెంట్ నేత్ర వైద్య నిపుణులు డాక్టర్ శిల్ప తరిణి, డాక్టర్ విశాల్ సంజయ్ జాదవ్ ఎల్‌.వి. ప్రసాద్ ఐ ఇన్‌స్టిట్యూట్, జిఎంఆర్  వరలక్ష్మి క్యాంపస్‌, విశాఖపట్నం వారు వివరించారు : “దీపావళి వేడుకను కొన్ని సాధారణ జాగ్రత్తలు పాటిస్తూ  పండుగను సురక్షితంగా, సంతోషంగా జరుపుకో వచ్చు అన్నారు. కంటికి గాయం అయితే కంటిని సున్నితంగా శుభ్రం చేయాలి: కంటిలో ఏదైనా ధూళి, చిన్న వస్తువు లేదా ఇతర పదార్థాలు పడితే శుభ్రమైన నీటితో లేదా సలైన్ ద్రావణంతో మెల్లగా కడగాలి సూచించారు. ఎల్‌.వి. ప్రసాద్ ఐ ఇన్‌స్టిట్యూట్, విశాఖపట్నం: అత్యవసర హెల్ప్‌లైన్ నంబర్లు 7095031666,9396712020,9346132020 సంప్రదించవలెను.