స్థానిక ఎన్నికల్లో బీసీ కోటా ఖరారు - మేయర్ పదవులకు 35.29%..జడ్పీ చైర్మన్‌కు 23.08% శాతం -రాజేష్ రంజన్ కమిషన్ నివేదిక ఆధారంగా కేబినెట్ నిర్ణయం
రాష్ట్రంలో స్థానిక సంస్థల ఎన్నికలకు రంగం సిద్ధమైంది. బీసీ రిజర్వేషన్లపై నెలకొన్న సందిగ్ధతకు తెరదించుతూ రాష్ట్ర మంత్రివర్గం కీలక నిర్ణయం తీసుకుంది. రిటైర్డ్ ఐఏఎస్ రాజేష్ రంజన్ నేతృత్వంలోని డెడికేటెడ్ కమిషన్ సమర్పించిన నివేదిక ఆధారంగా బీసీ రిజర్వేషన్లను ఖరారు చేస్తూ కేబినెట్ ఆమోదం తెలిపింది. దీంతో 9 కేటగిరీల్లో రిజర్వేషన్ల శాతం ఖరారైంది. అత్యధికంగా మేయర్ పదవుల్లో 35.29 శాతం, అత్యల్పంగా జడ్పీ చైర్మన్ పదవుల్లో 23.08 శాతం బీసీ రిజర్వేషన్లు ఉండనున్నాయి.
జనాభా ప్రాతిపదికన, సుప్రీంకోర్టు నిబంధనలకు అనుగుణంగా న్యాయమైన ప్రాతినిధ్యం కల్పించేలా ఈ లెక్కింపు చేశామని ప్రభుత్వ వర్గాలు వెల్లడించాయి. ఈ నిర్ణయం వెలువడటంతో త్వరలోనే రాష్ట్ర ఎన్నికల సంఘం స్థానిక సంస్థల ఎన్నికల షెడ్యూల్‌ను ప్రకటించే అవకాశం ఉందని రాజకీయ వర్గాలు భావిస్తున్నాయి.
విభాగాల వారీగా వివరాలు ఇలా
మేయర్ పదవులు - 35.29 శాతం
మున్సిపల్ చైర్మన్లు - 33.02 శాతం
అర్బన్ వార్డులు - 32.78 శాతం
సర్పంచ్ స్థానాలు - 27.95 శాతం
పంచాయతీ వార్డులు - 26.73 శాతం
ఎంపీటీసీలు - 25.55 శాతం
ఎంపీపీలు - 24.60 శాతం
జడ్పీటీసీలు - 24.60 శాతం
జడ్పీ చైర్మన్లు - 23.08 శాతం
సీఎం గౌడ్ తిరుపతి ప్రతినిధి
