andhrapradesh
జనసేన స్థానిక సంస్థల ఎన్నికల నియోజకవర్గ సమన్వయకర్తగా పైడి మురళీ మోహన్
ఆమదాలవలస, అక్టోబర్ 10, మేజర్ న్యూస్ జనసేన పార్టీ ఆమదాలవలస నియోజకవర్గ స్థానిక సంస్థల ఎన్నికల కో-ఆర్డినేషన్ అసెంబ్లీ సమన్వయకర్తగా పైడి మురళీ మోహన్ నియమితులయ్యారు. ఈ సందర్భంగా మురళీమోహన్ మాట్లాడుతూ తనపై నమ్మకంతో కీలక బాధ్యతను అప్పగించిన పార్టీ అధిష్ఠానానికి కృతజ్ఞతలు తెలియజేస్తూ, ఈ బాధ్యతను అంకితభావంతో నిర్వహిస్తానని పేర్కొన్నారు. జనసేన పార్టీ బలోపేతానికి, స్థానిక సంస్థల ఎన్నికల్లో పార్టీ విజయానికి సమన్వయంతో కృషి చేస్తానని తెలిపారు.
పార్టీ నాయకులు, జనసైనికులు, కార్యకర్తలను కలుపుకొని ముందుకు సాగుతూ, ప్రజల ఆశయాలకు అనుగుణంగా ప్రజాసేవలో తన వంతు పాత్ర పోషిస్తానని పేర్కొన్నారు. తనకు ఈ అవకాశం కల్పించిన రాష్ట్ర డిప్యూటీ సీఎం పవన్ కళ్యాణ్, పార్టీ నాయకత్వానికి, సహకరిస్తున్న నాయకులకు, జనసైనికులకు కృతజ్ఞతలు తెలియజేశారు.
