andhrapradesh
సంజీవిని సంస్థకు స్ట్రెచర్ వితరణ
మల్లికార్జున సూర్య స్టాఫ్ రిపోర్టర్
అంతిమ సంస్కారాల నిర్వహణలో భాగంగా మృతదేహాలను తరలించేందుకు ఎంతో ఉపయోగకరమైన రూ.42 వేల విలువైన స్ట్రెచర్ను శ్రీనిధి ఆసుపత్రి నిర్వాహకులు సంజీవిని సంస్థకు ఉచితంగా అందించారు. శ్రీనిధి ఆసుపత్రి నిర్వాహకులు డాక్టర్ వై. హరినాథ్ రెడ్డి, డాక్టర్ జి. రామిరెడ్డి, బి. బాలనాగిరెడ్డి ఈ స్ట్రెచర్ను సంజీవిని సంస్థకు అందజేశారు.
ఈ సందర్భంగా వారు మాట్లాడుతూ, మృతదేహాలను గౌరవప్రదంగా తరలించేందుకు స్ట్రెచర్ ఎంతో ఉపయోగపడుతుందని తెలిపారు. సామాజిక సేవా కార్యక్రమాల్లో భాగంగా సంజీవిని సంస్థకు తమవంతు సహకారం అందించడం సంతోషంగా ఉందన్నారు.
కార్యక్రమంలో సంజీవిని సంస్థ నిర్వాహకులు వి.వి. రమణారెడ్డితో పాటు సంస్థ సభ్యులు సూర్య శేఖర్ పాల్గొన్నారు.
