సింగరకొండ ప్రసన్నాంజనేయ స్వామి ఆలయంలో అరటి పండ్ల పూజ.

సూర్య అద్దంకి.

ప్రసిద్ధి పుణ్యక్షేత్రమైన సింగరకొండ ప్రసన్నాంజనేయ స్వామి దేవస్థానంలో అమావాస్య సందర్భంగా శనివారం స్వామివారికి పదివేల అరటి పండ్లతో పూజా కార్యక్రమం అత్యంత వైభవోపేతంగా జరిగింది. ముందుగా విజ్ఞేశ్వర పూజ, ఆలయ ప్రదక్షణ, ధ్వజస్తం వద్ద పూజల అనంతరం స్వామివారి మూల విరాట్ కు పదివేల అరటిపండ్లతో పూజా కార్యక్రమాన్ని నిర్వహించారు. ఈ కార్యక్రమానికి చీమకుర్తి వాస్తవ్యులు గ్రంథె హనుమంతరావు పార్వతీ దంపతుల కుమారుడు చిరంజీవి భార్య కల్పన ఉభయ దాతలుగా వ్యవహరించారు. ఈ సందర్భంగా ఆలయానికి వచ్చిన భక్తులకు ఎటువంటి అసౌకర్యం కలగకుండా పాలకమండలి చైర్మన్ చుండూరు మురళి సుధాకర్ రావు, ఈవో చంద్రశేఖర రావు ఏర్పాట్లు పర్యవేక్షించారు. భక్తులకు ఆలయ అర్చకులు తీర్థ ప్రసాదాలు అందించి ఆశీర్వచనం చేశారు.