సీఎంఆర్ఎఫ్ చెక్కులు, ఎల్‌ఓసీలు పంపిణీ చేసిన మంత్రి గొట్టిపాటి
సూర్య న్యూస్ అద్దంకి.;అద్దంకి ఆర్డీఓ కార్యాలయంలో సీఎంఆర్ఎఫ్ చెక్కులు, ఎల్‌ఓసీలు పత్రాలను విద్యుత్ శాఖ మంత్రి గొట్టిపాటి రవికుమార్ లబ్ధిదారులకు పంపిణీ చేశారు. నియోజకవర్గంపరిధిలో రూ.1.92 కోట్ల విలువైన 217 సీఎంఆర్ఎఫ్ చెక్కులు, 31 ఎల్ఓసీల‌ను లబ్ధిదారులకు అందజేశారు. ఈ సందర్భంగా మంత్రి మాట్లాడుతూ అనారోగ్యంతో ఇబ్బందులు ఎదుర్కొంటున్న కుటుంబాలకు ముఖ్యమంత్రి స‌హాయ నిధితో ఆర్థిక భరోసా లభిస్తుందన్నారు. వైద్య ఖర్చుల భారంతో బాధ‌ప‌డుతున్న కుటుంబాలకు కూట‌మి ప్రభుత్వం అండగా ఉంటుందన్న మంత్రి స్పష్టం చేశారు. అత్యవసర వైద్యం అవసరమైన వారికి ఎల్‌ఓసీలతో సకాలంలో చికిత్సకు చేయూత అందిస్తున్నామన్నారు. ఆర్థిక ఇబ్బందులతో ఏ ఒక్క పేద కుటుంబానికి వైద్యం దూరం కాకూడదన్నదే ముఖ్యమంత్రి చంద్రబాబు ఉద్దేశం అని తెలిపారు. అనంతరం ఆర్డీవో కార్యాలయంలో ప్రజా సమస్యలపై గ్రీవెన్స్ నిర్వహించిన అర్జీలు స్వీకరించారు.
