సర్ ప్రక్రియపై చుర్రుమన్న వామపక్షాలు:

 జీలుగుమిల్లి సూర్య న్యూస్:  కేంద్ర ప్రభుత్వం తీసుకొచ్చిన ఎస్ ఐ ఆర్ ప్రక్రియపై సీ ఈ సీ జ్ఞానేశ్ కుమార్ రాజీనామా చేయాలని జీలుగుమిల్లి లోని అంబేద్కర్ విగ్రహం వద్ద ఇండియా కూటమి పార్టీలైన  సిపిఐ, సిపిఎం, కాంగ్రెస్ పార్టీ శ్రేణులు నిరసన వ్యక్తం చేశారు. భారతదేశంలో సుమారు 13 కోట్ల ఓట్లను తొలగించిన కేంద్ర ప్రభుత్వం తీరును వారు ఖండించారు. ఆర్టికల్ 326 ప్రకారం ఓటు తొలగించే హక్కు ఎవరికీ లేదని వారు సూచించారు. గల్లీ నుంచి ఢిల్లీ వరకు సర్ ప్రక్రియపై  ఆందోళనను జరుగుతున్నాయన్నారు. ఓట్లు తొలగించి అక్రమ పద్ధతిలో గద్దెనెక్కుతున్నారని వారు ఆరోపించారు. ఏజెన్సీ ప్రాంతంలో పోలవరం నిర్వాసితుల పేరుతో అనేక మంది గిరిజనుల ఓట్లు తొలగించారని వారు వెల్లడించారు. నిరసన చేస్తున్న వారిపై అక్రమ అరెస్టులను ఖండించారు. దేశ ప్రజలు చేస్తున్న నిరసనలను గౌరవించి సి ఈ సి జ్ఞానేశ్ కుమార్ తక్షణమే రాజీనామా చేయాలని వారు డిమాండ్ చేశారు. ఈ కార్యక్రమంలో సిపిఐ మండల కార్యదర్శి కారం దారయ్య, గిరిజన సంఘం నాయకులు తెల్లం దుర్గారావు, కొప్పుల నాగరాజు, దాసరి రామారావు, కాంగ్రెస్ నాయకులు కుంజా కుమారి, తుర్లపాటి రాణి, నాయకులు కార్యకర్తలు పాల్గొన్నారు.

 రిపోర్టర్ బొంతు రామకృష్ణ జీలుగుమిల్లి ఏలూరు జిల్లా