సమ్మె విరమించి వైద్య సేవలు అందించండి.. కాంట్రాక్ట్ ఉద్యోగులను కోరిన ఐ టి డి ఏ పి ఓ రాములు నాయక్.. ప్రభుత్వం హామీ ఇస్తేనే సమ్మె విరమిస్తామన్న ఉద్యోగులు..

బుట్టాయిగూడెం : మేజర్ న్యూస్: మెడికల్ అండ్ హెల్త్, కాంట్రాక్ట్  ఉద్యోగులు సమ్మె విరమించి  మారుమూల ప్రాంతంలోని  గిరిజన ప్రజలకు  వైద్యం అందించాలని   ఐటీడీఏ పీవో  కే రాములు నాయక్ కోరారు.     మండలంలోని కోటరామచంద్రపురం ఐటీడీఏ వద్ద  వైద్య ఆరోగ్య శాఖ కాంట్రాక్ట్ ఉద్యోగుల శాంతియుత నిరసన ఐదవ రోజు  శనివారం కొనసాగింది. ఈ సందర్భంగా ఆదివాసి మెడికల్ అండ్ హెల్త్ ఎంప్లాయిస్ అసోసియేషన్ ఏలూరు జిల్లా అధ్యక్షులు సున్నం శ్రీరాములు,  ఆదివాసీ మెడికల్ & హెల్త్ ఎంప్లాయిస్ అసోసియేషన్ స్టేట్ జనరల్ సెక్రటరీ పూసం వెంకటేశ్వరావు, వైద్య ఆరోగ్య శాఖ కాంట్రాక్టు ఎంప్లాయిస్ జాయింట్ యాక్షన్ కమిటీ ఆర్గనైజింగ్ సెక్రటరీ చవలం దుర్గ ప్రసాద్ లు మాట్లాడుతూ  వైద్య ఆరోగ్య శాఖ సిబ్బంది సర్వీసును  తక్షణమే క్రమ బద్దీకరించాలని   ప్రభుత్వాన్ని డిమాండ్ చేశారు. తమ సేవలను క్రమబద్ధీకరించే వరకు  రెగ్యులర్ ఉద్యోగులతో సమాన వేతనం  చెల్లించాలని కోరారు. వ్యాధులు అందరికీ వస్తాయని,  మేము   వైద్య ఆరోగ్యశాఖలో  పనిచేస్తున్నామని వచ్చే వ్యాధులకు  తెలియదని  మాకు ఉద్యోగ భద్రత కల్పించాలని ప్రభుత్వాన్ని డిమాండ్ చేశారు. ప్రతి కాంట్రాక్టు ఉద్యోగికి  ఈఎస్ఐ కార్డు మంజూరు చేయాలని  కోరారు. తమ న్యాయమైన డిమాండ్లు పరిష్కారం అయ్యేవరకు  సమ్మె విరమించేది లేదని స్పష్టం చేశారు.  ఐటీడీఏ పీవో  కే రాములు నాయక్  దీక్షా శిబిరానికి చేరుకుని మారుమూల ప్రాంతంలో నివసించే ప్రజలకు  వైద్య సేవలు అందించాలని  సమ్మె విరమించాలని కోరారు.  తమ న్యాయమైన డిమాండ్లు పరిష్కారం అయ్యేవరకు  సమ్మె విరమించేది లేదని తేల్చి చెప్పారు.  వైద్య ఆరోగ్య శాఖ కాంట్రాక్టు ఉద్యోగుల సమ్మెకు ప్రగతిశీల యువజన సంఘం నాయకులు   భాష శ్యాం బాబు, తగరం బాబురావు, బన్నే వినోద్ లు ఆదివాసి కొండ రెడ్డి సంఘం, రెగ్యులర్ ఉద్యోగస్తులు   సంఘీభావo తెలిపారు. తెలియజేశారు. ఈ కార్యక్రమం లో  వంగా శ్రీను, కె.ముత్యాలమ్మ, పోశమ్మ స్టాఫ్ నర్స్, ఫార్మసీ ఆఫీసర్, ల్యాబ్ టెక్నీషియన్, హెల్త్ అసిస్టెంట్,  రేడియా గ్రాఫి మరియు ఏఎన్ఎం పాల్గొన్నారు.

 రిపోర్టర్ నాని బుట్టాయిగూడెం ఏలూరు జిల్లా