రూ.2.8 కోట్లతో రోడ్లకు మరమ్మతులు.

అద్దంకి, పంగులూరు మండలాల్లోని సుమారు పది కిలోమీటర్ల రహదారికి మరమ్మత్తులకు  గాను 2.8 కోట్లు ప్రభుత్వం మంజూరు చేసింది. అద్దంకి మండలం సింగరకొండ పాలెం నుంచి చిన్న కొత్తపల్లి మధ్యలో మూడు కిలోమీటర్లకు రహదారి మరమత్తు పనులు పూర్తి అయ్యాయి. పంగులూరు నుండి నాగులొప్పులపాడు మండలం నిడమానూరు వరకు ఏడు కిలోమీటర్లు రహదారి పనులు ఒకటి రెండు రోజుల్లో ప్రారంభిస్తామని ఆర్ అండ్ బి శాఖ ఏఈ శ్రీమన్నారాయణ తెలిపారు. నూతనంగా నిర్మించిన మరమ్మత్తులు చేసిన రహదారులపై దమ్ము చక్రాల ట్రాక్టర్లను నడప రాదని ఆయన ప్రజలకు సూచించారు. దుమ్ము చక్రాలతో ట్రాక్టర్లను బీటీ రోడ్లపై నడిపితే రోడ్లు త్వరగా దెబ్బతింటాయని ఆయన తెలిపారు. రైతులు, వాహదారులు ఈ విషయంలో సహకరించాలని ఆయన కోరారు.