రోగులకు అన్ని సౌకర్యాలు కల్పిస్తాం ఎమ్మెల్యే రోషన్ కుమార్

జంగారెడ్డిగూడెం-మేజర్ న్యూస్,ప్రభుత్వాసుపత్రిలో రోగులకు అన్ని సౌకర్యాలు కల్పించడమే తమ ఏకై కలెక్షన్ అని చింతలపూడి ఎమ్మెల్యే సొంగా రోషన్ కుమార్ అన్నారు. శనివారం ప్రభుత్వ ఏరియా ఆసుపత్రిలో నిర్వహించిన ఆసుపత్రి అభివృద్ధి కమిటీ సమావేశంలో ఆయన పాల్గొన్నారు. ఈ సందర్భంగా ఆయన మాట్లాడుతూ ఆసుపత్రిలో రోగులకు అందుతున్న వైద్య సేవలు, మౌలిక సదుపాయాలు, సిబ్బంది కొరత, మందుల లభ్యత తదితర అంశాలపై వైద్యులు, అధికారులతో సమీక్షించారు.ఈ సందర్భంగా ఎమ్మెల్యే మాట్లాడుతూ ప్రభుత్వ ఆసుపత్రులకు వచ్చే పేద రోగులకు మెరుగైన వైద్యం అందించడమే కూటమి ప్రభుత్వ లక్ష్యమన్నారు. రోగులకు ఎలాంటి ఇబ్బందులు కలగకుండా అవసరమైన సౌకర్యాలను మెరుగుపరచాలని సూచించారు. ఆసుపత్రి అభివృద్ధికి అవసరమైన నిధులను ప్రభుత్వం నుంచి తీసుకొచ్చి సౌకర్యాలు కల్పిస్తామని తెలిపారు.

 రిపోర్టర్ కేవీ రమణారావు జంగారెడ్డిగూడెం ఏలూరు జిల్లా