రోడ్డు ప్రమాదంలో టీఎన్టీయూసీ నేత రెంటపల్లి శ్యామ్‌కు గాయాలు

గొల్లపూడి, మేజర్ న్యూస్: టీఎన్టీయూసీ రాష్ట్ర ప్రధాన కార్యదర్శి, ఏపీ మినిమం వేజెస్ అడ్వైజరీ బోర్డు డైరెక్టర్ రెంటపల్లి శ్యామ్ ఆదివారం ఉదయం గొల్లపూడిలో జరిగిన రోడ్డు ప్రమాదంలో గాయపడ్డారు. ప్రస్తుతం ఆయన విజయవాడలోని ప్రభుత్వ ఐటీఐ కాలేజీ రోడ్డులో, రమేష్ హాస్పిటల్ సమీపంలోని వసుధ మల్టీ స్పెషాలిటీ హాస్పిటల్‌లో చికిత్స పొందుతున్నారు. సోమవారం ఆయన కాలికి ఆపరేషన్ చేయనున్నట్లు సమాచారం. ప్రమాద విషయం తెలుసుకున్న వెంటనే స్పందించి, శ్యామ్‌కు తక్షణ వైద్యసేవలు అందేలా చొరవ తీసుకున్న మైలవరం ఎమ్మెల్యే వసంత వెంకట కృష్ణ ప్రసాద్‌కు, సహకరించిన విజయవాడ మార్కెట్ యార్డ్ చైర్మన్ నర్రా వాసు, ఇబ్రహీంపట్నం మండల టీడీపీ అధ్యక్షుడు పెదర్ల రవికి వెలమాటి శ్రీనివాస్ కుమార్ కృతజ్ఞతలు తెలిపారు. శ్యామ్ త్వరగా కోలుకొని సంపూర్ణ ఆరోగ్యంతో తిరిగి ప్రజాసేవలో పాల్గొనాలని ఆకాంక్షించారు.