ఒంగోలు నగర అభివృద్ధి కొనసాగాలంటే కూటమి అభ్యర్థులను గెలిపించుకోవాలి

ఒంగోలు: కూటమి ప్రభుత్వంలో మహిళలకు అధిక ప్రాధాన్యత కల్పిస్తున్నారని, ఒంగోలు నగరాన్ని అభివృద్ధి పథంలో ముందుకు తీసుకెళ్లేందుకు ఒంగోలు ఎమ్మెల్యే శ్రీ దామచర్ల జనార్దన్ గారు కృషి చేస్తున్నారని ఆయన కుమార్తె దామచర్ల అనీషా లక్ష్మి పేర్కొన్నారు. ఒంగోలు నగరపాలక సంస్థ ఎన్నికల్లో కూటమి అభ్యర్థులకు మద్దతు తెలిపి, వారిని అత్యధిక మెజారిటీతో గెలిపించుకోవాలని ఆమె ప్రజలకు పిలుపునిచ్చారు.

కూటమి బలపరిచిన ఒంగోలు టీడీపీ మేయర్ అభ్యర్థి శ్రీమతి నల్లమల్లి శ్రీ శిల్పతో కలిసి దామచర్ల అనీషా లక్ష్మి ఆదివారం సాయంత్రం ఎన్నికల ప్రచారం నిర్వహించారు .

ఒంగోలు నగరంలోని 56వ డివిజన్, 57, 58, 59, 60వ డివిజన్ లలో కార్పొరేటర్ అభ్యర్థుల గెలుపు కోసం ప్రచారం నిర్వహించారు.
ఈ సందర్భంగా అడుగడుగునా మహిళలు వారికి ఘన స్వాగతం పలికారు.

ఒంగోలు మేయర్ అభ్యర్థి శ్రీమతి నల్లమల్లి శ్రీ శిల్పకు సైకిల్ గుర్తుపై ఓటు వేసి గెలిపించాలని, కూటమి అభ్యర్థులకు మద్దతు ఇవ్వాలని ఓటర్లను కోరారు.

గత రెండేళ్లలో ఒంగోలు నగర అభివృద్ధికి ఎమ్మెల్యే శ్రీ దామచర్ల జనార్దన్ గారు చేపట్టిన కార్యక్రమాలను ప్రస్తావిస్తూ, నగర అభివృద్ధి కొనసాగేందుకు నగరపాలక సంస్థ ఎన్నికల్లో టీడీపీ, కూటమి అభ్యర్థులను గెలిపించుకోవాల్సిన అవసరం ఉందని అనీషా లక్ష్మి తెలిపారు.

ఈ కార్యక్రమంలో 56 డివిజన్ టిడిపి కార్పొరేటర్ అభ్యర్థి ఏలూరి రజని, 57వ డివిజన్ టిడిపి కార్పొరేటర్ సూదనగుంట అనూష, 58వ డివిజన్ టిడిపి కార్పొరేటర్ అభ్యర్థి మన్నే మల్లికార్జునరావు, 59వ డివిజన్ టిడిపి కార్పొరేటర్ అభ్యర్థి నుసుం చెన్నయ్య, 60వ డివిజన్ టిడిపి కార్పొరేటర్ అభ్యర్థి తిప్పరమల్లి రవితేజ తదితర టిడిపి, బిజెపి, జనసేన నాయకులు, కార్యకర్తలు, మహిళలు అధిక సంఖ్యలో పాల్గొన్నారు.