నగరం అభివృద్ధి చెందాలంటే.. వైసీపీకి ఓటు వేయండి - వైసీపీ మేయర్ అభ్యర్థి రమేష్ గౌడ్

అనంతపురం బ్యూరో(అనంతపురం బ్యూరో, మేజర్ న్యూస్) : అనంతపురం నగరపాలక సంస్థ ఎన్నికల నేపథ్యంలో వైఎస్సార్ కాంగ్రెస్ పార్టీ అభ్యర్థుల ప్రచారం ముమ్మరంగా సాగుతోంది. నగర అభివృద్ధికి వైసీపీని అధికారంలోకి తీసుకురావాలని పార్టీ నాయకత్వం ఓటర్లను కోరుతోంది.

వైసీపీ మేయర్ అభ్యర్థి సి. రమేష్ గౌడ్, కార్పొరేటర్ అభ్యర్థులకు ఓటు వేసి అత్యధిక మెజారిటీతో గెలిపించాలని పార్టీ జిల్లా అధ్యక్షుడు, మాజీ ఎమ్మెల్యే అనంత వెంకట్రామిరెడ్డి ప్రజలను అభ్యర్థించారు. 24 డివిజన్ కార్పొరేటర్ అభ్యర్థి బండారి గీతాంజలి, 25వ డివిజన్ కార్పొరేటర్ అభ్యర్థి సాకే చంద్రలేఖ డివిజన్లలో వారు విస్తృతంగా ప్రచారం నిర్వహించారు.

మేయర్ అభ్యర్థి రమేష్ గౌడ్ పేరు పక్కన ఉన్న ఫ్యాన్ గుర్తుకు ఓటు వేయాలని అనంత వెంకట్రామిరెడ్డి ఓటర్లను కోరారు. అనంతపురం నగరాన్ని అభివృద్ధి పథంలోకి తీసుకెళ్లడమే వైసీపీ లక్ష్యమని, దీనికి ప్రజల సహకారం అవసరమని ఆయన తెలిపారు.

ప్రచారంలో భాగంగా మేయర్ అభ్యర్థి రమేష్ గౌడ్ మైనార్టీ నాయకులతో కలిసి పలు ప్రాంతాల్లో బహిరంగ సమావేశాలు, మద్దతు కోరికలు నిర్వహించారు. అన్ని వర్గాల ప్రజలు కలిసి నగర అభివృద్ధి కోసం ముందుకు రావాలని ఆయన పిలుపునిచ్చారు.

వైసీపీ విజయానికి నాయకులు, కార్యకర్తలు సమష్టిగా కృషి చేయాలని అనంత వెంకట్రామిరెడ్డి పార్టీ శ్రేణులకు సూచించారు. మేయర్ అభ్యర్థి రమేష్ గౌడ్‌తో పాటు, ప్రతి డివిజన్‌లో కార్పొరేటర్ అభ్యర్థుల గెలుపు కోసం పూర్తి స్థాయి ప్రచారం చేయాలని ఆయన కోరారు.

రిపోర్టర్ : మొయినుద్దీన్, అనంతపురం బ్యూరో, అనంతపురం.