మౌలాలిలో పట్టభద్రుల ఎమ్మెల్సీ ఓటరు నమోదు ప్రారంభం బీఆర్ఎస్ విజయమే లక్ష్యం : అమీనుద్ధీన్

మల్కాజిగిరి, మేజర్ న్యూస్: మహబూబ్‌ నగర్–రంగారెడ్డి–హైదరాబాద్ పట్టభద్రుల ఎమ్మెల్సీ ఎన్నికలలో బీఆర్ఎస్ అభ్యర్థి విజయమే లక్ష్యంగా ఆన్ లైన్ లో పట్టభద్రుల ఓటరు నమోదు ప్రక్రియను వేగవంతం చేశామని బీఆర్ఎస్ గ్రేటర్ మాజీ కార్యదర్శి అమీనుద్ధీన్ అన్నారు. ఆ పార్టీ రాష్ట్ర వర్కింగ్ ప్రెసిడెంట్, మాజీమంత్రి ,సిరిసిల్ల ఎమ్మెల్యే కేటీఆర్ ఇచ్చిన పిలుపు మేరకు మల్కాజిగిరి ఎమ్మెల్యే మర్రి రాజశేఖర్ రెడ్డి
ఆదేశాల మేరకు  ఆదివారం మౌలాలిలోని తన కార్యాలయం వద్ద పట్టభద్రుల ఆన్ లైన్ ఓటరు నమోదు కార్యక్రమాన్ని నిర్వహించారు. ఈ సందర్భంగా అమీనుద్ధీన్ మాట్లాడుతూ... అర్హులైన ప్రతి పట్ట భద్రుడు ఓటరుగా నమోదు చేసుకోవాలని పిలుపునిచ్చారు.  మౌలాలి డివిజన్ లోని వివిధ కాలనీలలో గల పట్టభద్రులు తమ కార్యాలయానికి వచ్చి, తమ ఓటు నమోదు చేసుకుని, త్వరలో జరగబోయే పట్టభద్రుల ఎన్ని కలలో ఓటు హక్కు వినియోగించుకోవాలని ఆయన కోరారు. ఈ కార్యక్రమంలో బీఆర్ఎస్ పార్టీ  సీనియర్ నాయకుడు, మౌలాలి డివిజన్ మాజీ అధ్యక్షుడు మోనార్ భాగ్యానంద్ రావు, నవాబ్ తదితరులు పాల్గొన్నారు