రామ్ గోపాల్ పేట్ డివిజన్ లో ఉచిత కంటి వైద్య శిబిరం - మర్రి శశిధర్ రెడ్డి

సికింద్రాబాద్ మేజర్ న్యూస్ : ఆదివారం రామ్ గోపాల్ పేట్ డివిజన్, సోమసుందరం వీధిలో స్వామి వివేకానంద వెల్ఫేర్ అసోసియేషన్ & యోగ క్షేమం వహామ్యహం* ఆధ్వర్యంలో, సాధురాం ఐ హాస్పిటల్ వారి సౌజన్యంతో ఏర్పాటు చేసిన ఉచిత కంటి పరీక్ష మరియు క్యాటరాక్ట్ ఆపరేషన్ శిబిరాన్ని ముఖ్య అతిథిగా విచ్చేసిన మాజీ మంత్రివర్యులు, ఎన్ డి ఎం ఏ మాజీ ఉపాధ్యక్షులు మరియు బిజెపి జాతీయ కౌన్సిల్ సభ్యులు మర్రి శశిధర్ రెడ్డి ప్రారంభించారు. 

ఈ సందర్భంగా మర్రి శశిధర్ రెడ్డి మాట్లాడుతూ కంటి చూపు అనేది మనిషికి దేవుడు ఇచ్చిన గొప్ప వరమని , ఈ రోజుల్లో చాలా మందికి , ముఖ్యంగా పేదలు , వృద్ధులకు కంటి సమస్యలు వచ్చినా ఆసుపత్రికి వెళ్లే పరిస్థితి లేదని, అలాంటి వారి కోసం ఇలాంటి ఉచిత శిబిరాన్ని ఏర్పాటు చేయడం నిజంగా గొప్ప సేవా కార్యక్రమమని కొనియాడారు. భారతీయ జనతా పార్టీ ఎప్పుడూ _*"సేవా హి సంఘటన్ "*_ అనే సిద్ధాంతంతో ముందుకు వెళ్తుందని , గౌరవ ప్రధాని నరేంద్ర మోదీ స్ఫూర్తితో పేదలకు అండగా నిలబడటం, ఆరోగ్య సేవలు అందించడం మన బాధ్యత అని, ఈ శిబిరం ద్వారా వందల మందికి చూపు వెలుగు అందించడం అభినందనీయమని అన్నారు.

 ఈ కార్యక్రమాన్ని ఏర్పాటు చేసిన నిర్వాహకులకు కృతజ్ఞతలు తెలిపారు. ఈ వైద్య శిబిరంలో సుమారు 485 మందికి పైగా పేద, మధ్య తరగతి ప్రజలు కంటి పరీక్షలు చేయించుకున్నారు. వారికి బిపి, షుగర్ పరీక్షలతో పాటు ఉచితంగా మందులు, ఐ డ్రాప్స్, కంటి అద్దాలు మరియు టాబ్లెట్లు పంపిణీ చేశారు. అందులో 35 మందికి పైగా కంటి శుక్లాల (క్యాటరాక్ట్) సమస్య ఉన్నవారికి సాధురాం ఐ హాస్పిటల్ లో ఉచితంగా ఆపరేషన్లు నిర్వహించడం జరిగింది. శిబిరానికి హాజరైన ప్రతి ఒక్కరూ సంతోషం, సంతృప్తి వ్యక్తం చేశారు. ఈ కార్యక్రమంలో సాధురాం ఐ హాస్పిటల్ చైర్మన్ హరీష్ సహాని, వారణాసి కృష్ణమూర్తి, కొత్త శాంతన్ కుమార్, వజనాల దయానందరావు, చేపూరి చంద్రప్రకాష్ గుప్తా, సందీప్ వర్మ, ఆకుల విజయ్, పట్టం కిరణ్, గణేష్ గుప్తా మరియు బస్తీవాసులు పాల్గొన్నారు.