యువత క్రీడల్లో రాణించాలి: పటోళ్ల ఆదిత్య రెడ్డి

పటాన్‌చెరు: యువత చెడు వ్యసనాలకు దూరంగా ఉంటూ క్రీడల్లో రాణించాలని యూత్ ప్రోటోకాల్ చైర్మన్ పటోళ్ల ఆదిత్య రెడ్డి పిలుపునిచ్చారు. పటాన్‌చెరులోని మైత్రి క్రికెట్ గ్రౌండ్‌లో రెండు రోజులపాటు నిర్వహించిన పీఏఆర్ క్రికెట్ ట్రోఫీ సీజన్–1 పోటీలు ఆదివారం ముగిశాయి. ఈ టోర్నీలో కేబీఎన్ జట్టు విజేతగా నిలిచి రూ.22,222, నిరంజన్ లెవన్ జట్టు రన్నరప్‌గా నిలిచి రూ.11,111 నగదు బహుమతులు గెలుచుకున్నాయి. విజేతలకు ఆదిత్య రెడ్డి నగదు బహుమతులు అందజేసి అభినందించారు. క్రీడలు యువతలో క్రమశిక్షణ, ఐకమత్యాన్ని పెంపొందిస్తాయని, చదువుతోపాటు క్రీడలకు ప్రాధాన్యం ఇవ్వాలని సూచించారు.