రోడ్డు ప్రమాదంలో గుర్తు తెలియని వ్యక్తి మృతి. పిసినికాడ జాతీయ రహదారిపై ప్రమాదం. కేసు నమోదు చేసి విచారణ చేపట్టిన రూరల్ పోలీసులు.
అనకాపల్లి, నవంబర్ 22, మేజర్ న్యూస్: మండలఃలోని పిసినికాడ పంచాయతీ పరిధిలోగల జాతీయ రహదారిపై ఆదివారం సాయంత్రం నాలుగు గంటల సమయంలో హైదరాబాద్ నుంచి పార్వతీపురం వెళ్తున్ని కారు ప్రమాదవశాత్తు గుర్తు తెలియని మగ వ్యక్తిని ఢీకొనడంతో ప్రమాదవశాత్తు సదరు గుర్తు వ్యక్తి మృతి చెందినట్లు అనకాపల్లి రూరల్ ఎస్ఐ రవికుమార్ తెలిపారు. ఈ కేసు విసయమై ఆయన మాట్లాడుతూ పిసినికాడ వద్ద గల జాతీయ రహదారిపై ఆదివారం సాయంత్రం నాలుగు గంటల సమయంలో హైదరాబాద్ నుంచి పార్వతీపురం వెళ్తున్న కారు మతిస్థిమితం లేని గుర్తు తెలియని వ్యక్తిని ఢీకొనడంతో సంఘటనా స్థలంలో సదరు వ్యక్తి మృతి చెందారని, ఒక్క సారిగా సదరు వ్యక్తి రోడ్డుపైకి అడ్డుగా రావడంతో కారు అదుపు తప్పి సదరు వ్యక్తిని ఢీఠోని డివైడెడ్ ను గుద్దుకోవడంతో కారులోని సేఫ్టీ బెలూన్లు సైతం విచ్చుకొని కారు సైతం డేమేజ్ అయ్యిందన్నారు. మృతుడు ఎర్ర చొక్కా, గళ్ల లుంగీ ధరించి ఉన్నాడని, వయస్సు సుమారు 35 నుంచి 40 ఏళ్ళు ఉంటుందన్నారు. మృతదేహాన్ని స్థానిక ఎన్టీఆర్ వైద్యాలయానికి తరలించామని, కేసు నమోదు చేసి దర్యాప్తు చేస్తున్నామన్నారు.