జిల్లాస్థాయి నవోదయ మోడల్ పరీక్షలో సనపల అనన్యకు ప్రథమ స్థానం
నరసన్నపేట, మేజర్ న్యూస్ : నరసన్నపేట మండల కేంద్రంలోని ప్రభుత్వ ఉన్నత పాఠశాలలో ఆదివారం యూటీఎఫ్ ఆధ్వర్యంలో నిర్వహించిన జిల్లాస్థాయి నవోదయ మోడల్ పరీక్షలో విద్యార్థులు ప్రతిభ కనబరిచారు. ఈ పరీక్షలో ప్రథమ స్థానాన్ని సనపల అనన్య (మురళీధర్ కుమార్తె) సాధించగా, ద్వితీయ స్థానాన్ని హనుమంతు జోషిత (ముకుందరావు కుమార్తె) తృతీయ స్థానాన్ని సిహెచ్ షణ్ముఖరావు ( జమ్ము ) కైవసం చేసుకున్నారు. విజేతలైన విద్యార్థులకు మండల విద్యాశాఖ అధికారులు ఉప్పాడ శాంతారావు, పేడాడ దాలినాయుడు చేతుల మీదుగా బహుమతులు అందజేసి అభినందించారు. విద్యార్థులు ఇలాంటి పోటీ పరీక్షల్లో పాల్గొని ఉన్నత లక్ష్యాలను సాధించాలని ఈ సందర్భంగా వారు ఆకాంక్షించారు. కార్యక్రమంలో జిల్లా యుటిఎఫ్ ప్రతినిధులు పాల్గొన్నారు.