అభివృద్ధి చేసే ప్రభుత్వాన్ని ఆదరించండి
-టీడీపీ చైర్ పర్సన్ అభ్యర్థి కూన ప్రమీల
ఆమదాలవలస, మేజర్ న్యూస్ : సంక్షేమం, అభివృద్ధి అందించే కూటమి ప్రభుత్వాన్ని ఆదరించాలని, కూటమి తరుపున పోటీ చేస్తున్న అభ్యర్థులను అత్యధిక మెజార్టీతో గెలిపించాలని టిడిపి చైర్పర్సన్ అభ్యర్థి కూన ప్రమీల తెలిపారు. ఈ సందర్భంగా వార్డులోని ప్రజలను, స్థానికులను కలుసుకుంటూ వారి సమస్యలు, అవసరాలను అడిగి తెలుసుకున్నారు. పట్టణ అభివృద్ధి, ప్రజా సంక్షేమానికి సంబంధించిన అంశాలను ప్రజలతో చర్చించారు. రానున్న మున్సిపల్ ఎన్నికల్లో ప్రజల మద్దతు కోరుతూ కూటమి అభ్యర్థిని గెలిపించాలని ప్రచారం కొనసాగించారు. ఇంటింటికి తిరుగుతూ సైకిల్ గుర్తుకు ఓటు వేయాలని కోరారు. ఈ ప్రచార కార్యక్రమంలో టిడిపి కౌన్సిలర్ అభ్యర్థులు పొన్నాన ఆదినారాయణ, కూర్మాన గురుమూర్తి, ఇంజరాపు లక్ష్మి, ఇంజరాపు విశ్వనాథం, రెడ్డి రాంబాబు, పొన్నాడ శ్రీనివాసరావు, కనితి విజయలక్ష్మి, రెడ్డి గౌరీ, తదితరులు పాల్గొన్నారు.