పలాసలో మాక్ కౌన్సిల్ సమావేశం. వైస్ చైర్మన్ ఎంపికపై ఎమ్మెల్యే గౌతు శిరీష, వెంకన్న చౌదరి దిశానిర్దేశం.
సమన్వయం, సమష్టి నిర్ణయాలతో ముందుకు సాగాలని కౌన్సిలర్లకు సూచనలు.
పలాస, మేజర్ న్యూస్: పలాస–కాశీబుగ్గ పురపాలక సంఘంలో నూతన పాలకవర్గం ఏర్పాటు నేపథ్యంలో రాజకీయంగా కీలక పరిణామం చోటుచేసుకుంది. పలాస కాశీబుగ్గ మున్సిపల్ చైర్పర్సన్ వజ్జ గంగాభవాని క్యాంపు కార్యాలయంలో ఆదివారం మాక్ కౌన్సిల్ సమావేశం నిర్వహించారు.ఈ సమావేశానికి ముఖ్య అతిథులుగా పలాస శాసనసభ్యురాలు గౌతు శిరీష,నియోజకవర్గ సమన్వయకర్త వెంకన్న చౌదరి హాజరై తెలుగుదేశం పార్టీ కౌన్సిలర్లకు పలు కీలక సూచనలు, సలహాలు అందించారు.ఆదివారం ఉదయం జరగనున్న ప్రమాణ స్వీకార కార్యక్రమం అనంతరం వైస్ చైర్మన్ ఎంపిక ప్రక్రియ, అనుసరించాల్సిన విధివిధానాలు, పార్టీ పరంగా సమన్వయం తదితర అంశాలపై సమావేశంలో విస్తృతంగా చర్చించారు. నూతనంగా ఎన్నికైన 31 మంది తెలుగుదేశం పార్టీ వార్డు కౌన్సిలర్లు ఈ సమావేశంలో పాల్గొని తమ అభిప్రాయాలను వెల్లడించారు.ఈ సందర్భంగా నాయకులు మాట్లాడుతూ, నూతన పాలకవర్గం ప్రజల ఆకాంక్షలకు అనుగుణంగా పనిచేయాలని, పట్టణ అభివృద్ధికి ప్రాధాన్యతనిస్తూ ప్రజలకు మెరుగైన పాలన అందించేందుకు ప్రతి ఒక్కరూ బాధ్యతతో వ్యవహరించాలని సూచించారు. పార్టీ నాయకత్వం సూచనలకు అనుగుణంగా ఐక్యత, సమన్వయంతో ముందుకు సాగాలని పిలుపునిచ్చారు.ఈ కార్యక్రమంలో ఏపీటీపీసీ చైర్మన్, టీడీపీ రాష్ట్ర కార్యనిర్వాహక కార్యదర్శి వజ్జ బాబూరావు,పట్టణ తెలుగుదేశం పార్టీ అధ్యక్ష, కార్యదర్శులు బడ్డ నాగరాజు, సప్పన నవీన్, సీనియర్ నాయకులు లోడగల కామేష్, గాలి కృష్ణారావు, ఏఎంసీ చైర్మన్ మల్లా శ్రీనివాసరావు, డొక్కరి శంకరరావు, గోళ్ళ చంద్రరావు, చెల్లూరి రామకృష్ణ, కొవ్వూరు సురేష్ తదితరులు పాల్గొన్నారు.