వైద్య సేవలో ఆర్.ఎం.పి పి.ఎం.పి సేవల పాత్ర కీలకం
నేటి దినపత్రిక సూర్యబ్యూరో రాజమహేంద్రవరంగ్రామీణ ప్రాంతాల్లో ప్రజలకు నిరంతర వైద్య సేవలందిస్తున్న ఆర్ఎంపీలు, పిఎంపీలకు ప్రభుత్వ గుర్తింపు కల్పించేందుకు కేంద్రంతో చర్చిస్తానని బీజేపీ ఎమ్మెల్సీ సోము వీర్రాజు తెలిపారు. ఆదివారం రాజమహేంద్రవరంలో ఆర్ఎంపీ, పిఎంపీ సంఘాల ప్రతినిధులతో సమావేశమైన ఆయన, దశాబ్దాలుగా సేవలందిస్తున్న వారి అనుభవాన్ని గుర్తించి, పరీక్షలు నిర్వహించి, మూడు నాలుగు నెలల శిక్షణ అనంతరం ధ్రువీకరణ పత్రాలు ఇచ్చే అంశాన్ని కేంద్రం దృష్టికి తీసుకెళ్తానన్నారు. అవసరమైన సందర్భాల్లో రోగులను నిపుణులైన వైద్యుల వద్దకు పంపించాలని సూచించారు. ప్రధానమంత్రి మోదీ ప్రభుత్వం ఆయుష్మాన్ ఆరోగ్య మందిరాల ద్వారా గ్రామీణ వైద్య వ్యవస్థను బలోపేతం చేస్తోందని పేర్కొన్నారు. మేయర్ అభ్యర్థి రేలంగి శ్రీదేవి, కూటమి అభ్యర్థులకు మద్దతు తెలపాలని కోరారు. బీజేపీ ఏపీ ఇంఛార్జి అరవింద్ సింగ్ భదోరియా, మాజీ ఎమ్మెల్యే అయ్యాజీ వేమ మాట్లాడుతూ కూటమి అభ్యర్థులను గెలిపించాలని, ప్రజా సమస్యల పరిష్కారమే బీజేపీ లక్ష్యమని తెలిపారు.