రాజమహేంద్రవరం అభివృద్ధికి త్రిబుల్ ఇంజన్ సర్కార్ అవసరం
నేటి దినపత్రిక సూర్య బ్యూరో రాజమహేంద్రవరంరాజమండ్రి నగర అభివృద్ధి, ప్రజా సమస్యల పరిష్కారానికి నగరపాలక ఎన్నికల్లో ఎన్డీఏ కూటమి అభ్యర్థులను భారీ మెజారిటీతో గెలిపించాలని బీజేపీ జాతీయ ఉపాధ్యక్షురాలు, ఎంపీ దగ్గుబాటి పురంధేశ్వరి కోరారు. 2024లో ప్రజలు డబుల్ ఇంజిన్ ప్రభుత్వానికి పట్టం కట్టారని, ప్రధాని మోదీ సహకారంతో సీఎం చంద్రబాబు, డిప్యూటీ సీఎం పవన్ కళ్యాణ్ రాష్ట్రాన్ని అభివృద్ధి పథంలో నడిపిస్తున్నారని పేర్కొన్నారు. రాష్ట్రంతో పాటు స్థానిక సంస్థల్లోనూ కూటమి గెలిస్తే ట్రిపుల్ ఇంజిన్ ప్రభుత్వంతో రాజమండ్రి అభివృద్ధి వేగవంతమవుతుందన్నారు. 2027 గోదావరి పుష్కరాల నేపథ్యంలో ట్రాఫిక్, డ్రైనేజీ, తాగునీటి సమస్యల పరిష్కారానికి ప్రాధాన్యత ఇవ్వాలని తెలిపారు. మేయర్ అభ్యర్థి రేలంగి శ్రీదేవి, 29వ వార్డు అభ్యర్థి బాలమురళీకృష్ణను గెలిపించాలని కోరారు. ఈ నెల 26న గులాబీ రంగు స్లిప్లో ఐదో నంబరులో ఉన్న మేయర్ అభ్యర్థి రేలంగి శ్రీదేవికి, రెండో స్లిప్లో మొదటి నంబరులో ఉన్న బాలమురళీకృష్ణకు ఓటు వేసి కూటమి అభ్యర్థులను గెలిపించాలని పురంధేశ్వరి పిలుపునిచ్చారు.