ప్రశాంతంగా ముగిసిన మున్సిపల్ ఎన్నికల పోలింగ్

బుచ్చిరెడ్డి పాలెం, మేజర్ న్యూస్ :   
స్థానిక సంస్థల ఎన్నికలలో భాగంగా ఆదివారం బుచ్చిరెడ్డిపాలెంలో నిర్వహించిన  మున్సిపల్ ఎన్నికల పోలింగ్ ప్రశాంతంగా ముగిసింది.60.17శాతం ఓట్లు పోలైనట్లు ఎన్నికల అధికారులు తెలిపారు. మున్సిపల్ పరిధిలో మొత్తం 55 బూతులు ఏర్పాటు చేయగా డిఎల్ఎన్ఆర్ జూనియర్ కాలేజీలో 14 బూతులను ఏర్పాటు చేశారు. మిగిలిన బూతులను ఆయా వార్డుల పరిసర ప్రాంతాలలో ఏర్పాటు చేశారు.

పోలింగ్ సరళిని పరిశీలించిన ఎమ్మెల్యే
డి ఎల్ ఎన్ ఆర్ జూనియర్ కాలేజిలో ఏర్పాటుచేసిన పోలింగ్ కేంద్రంలోని అన్ని బూతులను కోవూరు  ఎమ్మెల్యే వేమిరెడ్డి ప్రశాంతి రెడ్డి  పరిశీలించిపోలింగ్ సరళిని గూర్చి అధికారులను అడిగి తెలుసుకున్నారు. అనంతరం ఆమె మాట్లాడుతూ ఎలాంటి అవాంఛనీయ సంఘటనలు జరగకుండా, రీపోలింగ్ కు తావు లేకుండా పోలింగ్ ప్రశాంతంగా జరగడం ఆనందంగా ఉందన్నారు. ఈ సందర్భంగా ఎమ్మెల్యే ఎన్నికల ఏర్పాట్లపై ఓటర్లను వారి అభిప్రాయాలు అడిగి తెలుసుకున్నారు. రూరల్ డిఎస్ పి ఘట్టమనేని శ్రీనివాసరావు, నియోజకవర్గంలోని అన్ని స్టేషన్ల సిఐలు, ఎస్సైలు, సిబ్బంది ఆధ్వర్యంలో ఎలాంటి గొడవలు  జరగకుండా గట్టి బందోబస్తు నిర్వహించిన పోలీసులకు ప్రజలు, ఓటర్లు అభినందనలు తెలిపారు.