ప్రభుత్వ ఆర్ట్స్ కళాశాలలో ఘనంగా రాష్ట్రీయ ఏక్తా దివస్

అనంతపురం విద్య, మేజర్ న్యూస్ :- అనంతపురం ప్రభుత్వ ఆర్ట్స్ కళాశాలలో జాతీయ సేవా పథకం (ఎన్‌ఎస్‌ఎస్), రాజనీతి శాస్త్ర విభాగం సంయుక్తంగా రాష్ట్రీయ ఏక్తా దివస్‌ను వైస్ ప్రిన్సిపాల్ రాజవత్ శ్రీరాములు అధ్యక్షతన ఘనంగా నిర్వహించారు.
ఈ సందర్భంగా ఆయన మాట్లాడుతూ సర్దార్ వల్లభభాయ్ పటేల్ దేశ తొలి ఉప ప్రధానిగా, హోంమంత్రిగా సేవలందించి 560కి పైగా సంస్థానాలను భారత యూనియన్‌లో విలీనం చేసి దేశ ఐక్యతకు బలమైన పునాది వేశారని తెలిపారు. ఆయన జీవితం ప్రతి ఒక్కరికీ స్ఫూర్తిదాయకమన్నారు.
ఎన్‌ఎస్‌ఎస్ ప్రోగ్రామ్ అధికారులు డా. బి. గోపాల్ నాయక్, డా. డి.సి. సుగప్ప, డా. బి. నాగభూషణ్, డా. శ్రీనివాసులు మాట్లాడుతూ.. కుల, మత, భాష, ప్రాంతీయ భేదాలకు అతీతంగా భారతీయులమనే భావనతో దేశ సమైక్యతను కాపాడుకోవాలని పిలుపునిచ్చారు. అనంతరం జాతీయ ఐక్యతా ప్రతిజ్ఞ చేశారు.
ఈ కార్యక్రమంలో అధ్యాపకులు, ఎన్‌ఎస్‌ఎస్ అధికారులు, వాలంటీర్లు, విద్యార్థులు పాల్గొన్నారు.

 మల్లికార్జున నేటి దినపత్రిక సూర్య స్టాఫ్ రిపోర్టర్..